*ડાંગ આરોગ્ય વિભાગમાં ઇન્સેન્ટિવના પ્રશ્ને કર્મચારીઓની નારાજગી, આશા બહેનોને જમવાનું જાતે લાવવાની સૂચના! T.H.O.નો ખુલાસો – "બજેટમાં જમવાની જોગવાઈ નથી, તાલીમ નહીં પરીક્ષા છે"**MPHW, CHO, આશા બહેનો અને FHWના ઓક્ટોબર-2025થી ઇન્સેન્ટિવ બાકી હોવાની રજૂઆત; ADHO ડૉ. હિમાંશુ ગામીતે કહ્યું હતું 'લેટર જોઈને જણાવીશ', જ્યારે T.H.O. ડૉ. અનુરાધા ગામીતે ભોજન માટે બજેટ ન હોવાનું જણાવ્યું*આહવા, ડાંગ | રિપોર્ટર: ભાવેશ ચૌધરી આહવા ડાંગ અખંડ ભારત

*ડાંગ આરોગ્ય વિભાગમાં ઇન્સેન્ટિવના પ્રશ્ને કર્મચારીઓની નારાજગી, આશા બહેનોને જમવાનું જાતે લાવવાની સૂચના! T.H.O.નો ખુલાસો – "બજેટમાં જમવાની જોગવાઈ નથી, તાલીમ નહીં પરીક્ષા છે"* *MPHW, CHO, આશા બહેનો અને FHWના ઓક્ટોબર-2025થી ઇન્સેન્ટિવ બાકી હોવાની રજૂઆત; ADHO ડૉ. હિમાંશુ ગામીતે કહ્યું હતું 'લેટર જોઈને જણાવીશ', જ્યારે T.H.O. ડૉ. અનુરાધા ગામીતે ભોજન માટે બજેટ ન હોવાનું જણાવ્યું* આહવા, ડાંગ | રિપોર્ટર: ભાવેશ ચૌધરી ડાંગ જિલ્લાના આરોગ્ય વિભાગમાં કર્મચારીઓના ઇન્સેન્ટિવ અને આશા બહેનોની સુવિધાઓને લઈને ચર્ચા ગરમાઈ છે. એક તરફ MPHW, CHO, આશા બહેનો અને FHWના ઓક્ટોબર-2025થી ઇન્સેન્ટિવ બાકી હોવાની રજૂઆત સામે આવી છે, તો બીજી તરફ આહવા તાલુકા આરોગ્ય કચેરી ખાતે યોજાનારી પરીક્ષા દરમિયાન આશા બહેનોને પોતાનું જમવાનું જાતે લઈને આવવાની સૂચના આપવામાં આવી હોવાનો વોટ્સએપ સંદેશ સામે આવ્યો છે. આ મામલે અધિકારીઓનો સંપર્ક કરતાં અલગ-અલગ મુદ્દે સ્પષ્ટતા સામે આવી છે. પ્રાપ્ત માહિતી અનુસાર, તા. 5થી 7 નવેમ્બર, 2026 દરમિયાન આહવા તાલુકા આરોગ્ય કચેરી ખાતે કાર્યક્રમનું આયોજન કરવામાં આવ્યું છે. વોટ્સએપ ગ્રુપમાં આશા બહેનોને જરૂરી સામગ્રી સાથે પોતાનું જમવાનું પણ સાથે લઈને આવવાની સૂચના આપવામાં આવી હતી. આ સંદેશને પગલે ભોજનની વ્યવસ્થા અંગે સવાલો ઊભા થયા હતા. T.H.O. ડૉ. અનુરાધા ગામીતનો ખુલાસો: બજેટમાં જમવાનું નથી, તાલીમ નહીં પરીક્ષા છે! આ મામલે આહવા તાલુકા આરોગ્ય અધિકારી ડૉ. અનુરાધા ગામીતનો ટેલિફોનિક સંપર્ક કરતાં તેમણે જણાવ્યું હતું કે, "બજેટમાં જમવાની કોઈ જોગવાઈ નથી અને આ તાલીમ નથી, પરીક્ષા છે." તેમના આ જવાબથી ભોજનની વ્યવસ્થા અંગે વિભાગનું વલણ સ્પષ્ટ થયું છે. જોકે, દૂરના ગામડાંઓમાંથી પરીક્ષા આપવા આવતી આશા બહેનો માટે અન્ય કોઈ સુવિધા કે વ્યવસ્થા અંગે સવાલો યથાવત્ છે. 13 મહિનાથી ઇન્સેન્ટિવ બાકી હોવાની રજૂઆત, કર્મચારીઓના પ્રશ્નોનું શું? બીજી તરફ MPHW, CHO, આશા બહેનો અને FHW સહિતના આરોગ્ય કર્મચારીઓના ઓક્ટોબર-2025થી ઇન્સેન્ટિવની ચુકવણી બાકી હોવાની રજૂઆત કરવામાં આવી રહી છે. ગ્રામ્ય વિસ્તારોમાં આરોગ્ય સેવાઓ, રસીકરણ અને વિવિધ સરકારી યોજનાઓની કામગીરી કરતા કર્મચારીઓના પ્રોત્સાહન ભથ્થાં લાંબા સમયથી બાકી હોવાના આક્ષેપો વચ્ચે આરોગ્ય તંત્રની જવાબદારી સામે સવાલો ઊભા થયા છે. કર્મચારીઓ પાસેથી સતત કામગીરીની અપેક્ષા રાખવામાં આવે છે, ત્યારે તેમના બાકી ઇન્સેન્ટિવની ચુકવણી માટે વિભાગે શું કાર્યવાહી કરી છે અને ચુકવણી ક્યારે થશે તે અંગે સ્પષ્ટ જવાબ આપવો જરૂરી બન્યો છે. ADHO ડૉ. હિમાંશુ ગામીતે કહ્યું હતું: 'લેટર જોઈને આવતીકાલે જણાવીશ' આ સમગ્ર મામલે મદદનીશ જિલ્લા આરોગ્ય અધિકારી (ADHO) ડૉ. હિમાંશુ ગામીતની રૂબરૂ મુલાકાત દરમિયાન તેમણે જણાવ્યું હતું કે, "આ બાબતે અમને ખબર નથી. હું તમને લેટર જોઈને આવતીકાલે જણાવીશ." હવે T.H.O. દ્વારા ભોજનના બજેટ અંગે સ્પષ્ટતા કરવામાં આવી છે, પરંતુ ઇન્સેન્ટિવના બાકી પ્રશ્ને હજુ સત્તાવાર અને વિગતવાર જવાબની રાહ જોવાઈ રહી છે. આરોગ્ય વિભાગે ઇન્સેન્ટિવ અંગે પણ સ્પષ્ટતા કરવી જરૂરી એક તરફ પરીક્ષા માટે આવતી આશા બહેનોને જમવાનું સાથે લાવવાની સૂચના અને બીજી તરફ આરોગ્ય કર્મચારીઓના બાકી ઇન્સેન્ટિવની રજૂઆતને પગલે સમગ્ર મામલો ચર્ચામાં આવ્યો છે. ભોજનની બજેટ જોગવાઈ ન હોવાનું T.H.O.એ જણાવ્યું છે, પરંતુ કર્મચારીઓના બાકી નાણાં અંગે આરોગ્ય વિભાગ ક્યારે સ્પષ્ટતા કરશે તે મોટો સવાલ છે. હવે ડાંગ જિલ્લા આરોગ્ય તંત્રના ઉચ્ચ અધિકારીઓ ઇન્સેન્ટિવની બાકી ચુકવણી, તેના કારણો અને ચુકવણીની સંભવિત સમયમર્યાદા અંગે સત્તાવાર ખુલાસો કરે તેવી અપેક્ષા છે. અખંડ ભારત