Sports News

ભગવાન બિરસા મુંડાજી ની 151 મી જન્મ જયંતિ નિમિત્તે “જનજાતિય ગૌરવ સપ્તાહ દિવસ" ની ઉજવણી મા તા 10 નવેમ્બર 2026 મંગળવાર ના સવારે 11:00 કલાકે ઉમરપાડા તાલુકાના ગામ : વાડી મુકામે દરવર્ષે યોજાતી પ્રતિષ્ઠિત એવી *ગ્રામીણ ઓલમ્પિક - કબડ્ડી સ્પર્ધા 2026* યોજાનાર છે આ આયોજન ગુજરાત સરકારશ્રી ના રમત ગમત યુવા અને સાંસ્કુતિક પ્રવૃત્તિઓ વિભાગ અને સ્પોર્ટ્સ ઓથોરિટી ઓફ ગુજરાત, ગાંધીનગર અને સહારા માનવ કલ્યાણ ટ્રસ્ટ તથા સમગ્ર ગ્રામ જનો આયોજિત “ગ્રામીણ ઓલીમ્પિક :કબડ્ડી સ્પર્ધા 2026 યોજાનાર છે. " જેમાં દરેક જિલ્લાના આદિવાસી યુવાનો કબડ્ડી ખેલાડીઓ ભાગ લેશે કબડ્ડી સ્પર્ધા મા આકર્ષક ઈનામો વિજેતા ટિમો ને આપવમાં આવશે જેમાં પ્રથમ ઈનામ ₹51001/- બીજું ઈનામ ₹31001/- ત્રીજું ઈનામ ₹21001/- ચોથું ઈનામ ₹12001/- પાંચમું ઈનામ ₹10001/- છઠ્ઠું ઈનામ ₹ 8001/- સાતમું ઈનામ ₹6001/- આંઠમું ઈનામ ₹ 4001/- આ ઉપરાંત વ્યક્તિગત ખેલાડીના ઈનમો પણ આપવામાં આવશે જેમાં પ્લેયર ઓફ ધી ટુર્નામેન્ટ ₹3101/- બેસ્ટ ડિફેન્ડર ₹1101/- બેસ્ટ કેચર ₹1101/- બેસ્ટ રાઇડર ₹1101/-

DGP CUP-2026 બેન્ડ સ્પર્ધામાં તાપી જિલ્લા પોલીસ બેન્ડ ટીમે રાજ્યમાં પ્રથમ સ્થાન મેળવ્યું તાપી જિલ્લા પોલીસનું ગૌરવ વધારતી ભવ્ય સફળતા, PSI જે.ઝેડ. ગામીત સહિત સમગ્ર બેન્ડ ટીમને અભિનંદન તાપી જિલ્લા પોલીસ માટે ગૌરવની ક્ષણ સામે આવી છે. ગુજરાત રાજ્ય પોલીસ દળના વિવિધ યુનિટો વચ્ચે તા. ૦૨/૧૧/૨૦૨૬થી તા. ૦૩/૧૧/૨૦૨૬ દરમિયાન યોજાયેલી DGP CUP-2026 બેન્ડ સ્પર્ધામાં તાપી જિલ્લા પોલીસ બેન્ડ ટીમે શાનદાર પ્રદર્શન કરીને સમગ્ર ગુજરાત રાજ્યમાં પ્રથમ ક્રમ પ્રાપ્ત કર્યો છે. આ સ્પર્ધામાં તાપી જિલ્લાનું પ્રતિનિધિત્વ કરવા ગયેલા પો.સ.ઇ. શ્રી જે.ઝેડ. ગામીત તથા તેમની સમગ્ર બેન્ડ ટીમે ઉત્કૃષ્ટ પ્રદર્શન કરીને આ સિદ્ધિ હાંસલ કરી છે. ટીમની આ ભવ્ય સફળતાથી તાપી જિલ્લા પોલીસનું નામ સમગ્ર રાજ્યમાં ગૌરવભેર રોશન થયું છે. આ સિદ્ધિ બદલ પો.સ.ઇ. જે.ઝેડ. ગામીત તથા તેમની સમગ્ર બેન્ડ ટીમને હાર્દિક અભિનંદન અને શુભેચ્છાઓ પાઠવવામાં આવી રહી છે.

# *ડાંગમાં 90 જેટલા પાણી પુરવઠા કર્મચારીઓના પગારનો વિવાદ ગરમાયો! આહવાના મજૂરોને એક મહિનાનો પગાર ચૂકવાયો, સુબીરના 40 મજૂરોનું શું?* ### *ચાર મહિનાથી પગાર બાકી હોવાના આક્ષેપ વચ્ચે કર્મચારીઓના ધરણાં; એજન્સીનો દાવો – આહવાના મજૂરોનો વધુ એક મહિનાનો પગાર આવતીકાલે ચૂકવીશું, પરંતુ સુબીરના 40 જેટલા કર્મચારીઓનો જવાબ આપવા એજન્સીનો સંપર્ક પણ થઈ શક્યો નથી!* **આહવા, ડાંગ:**રિપોર્ટર ભાવેશ ચૌધરી આહવા ડાંગ ડાંગ જિલ્લામાં પાણી પુરવઠા વિભાગ સાથે સંકળાયેલા કર્મચારીઓના બાકી પગારનો મુદ્દો હવે વધુ ગંભીર બન્યો છે. આહવા અને સુબીર તાલુકાના આશરે 90 જેટલા કર્મચારીઓનો છેલ્લા ચાર મહિનાનો પગાર બાકી હોવાના આક્ષેપ સાથે કર્મચારીઓએ પાણી પુરવઠા વિભાગની કચેરી ખાતે હડતાળ અને ધરણાં શરૂ કરતાં સમગ્ર મામલો ચર્ચાના કેન્દ્રમાં આવ્યો છે. એક તરફ કર્મચારીઓ પોતાના પરસેવાની કમાણી મેળવવા માટે ધરણાં પર બેઠા છે, તો બીજી તરફ એજન્સી અને પાણી પુરવઠા વિભાગ વચ્ચે કોન્ટ્રાક્ટ તથા નાણાંની વ્યવસ્થાનો પ્રશ્ન હોવાનું સામે આવ્યું છે. ત્યારે સવાલ એ ઊભો થાય છે કે વહીવટી પ્રક્રિયાની ખેંચતાણમાં સામાન્ય મજૂરોનો પગાર શા માટે અટવાઈ રહ્યો છે? **એજન્સીનો નવો ખુલાસો: આહવાના મજૂરોને એક મહિનાનો પગાર ચૂકવ્યો!** આ મામલે એજન્સી સાથે ટેલિફોનિક વાતચીત થતાં આહવા તાલુકાના કર્મચારીઓના ખાતામાં આજે એક મહિનાનો પગાર ચૂકવી દીધો હોવાનું એજન્સી તરફથી જણાવવામાં આવ્યું છે. જ્યારે બાકી રહેલા બીજા એક મહિનાનો પગાર પણ આવતીકાલે ચૂકવી દેવામાં આવશે તેવી ખાતરી આપવામાં આવી હોવાનું જાણવા મળ્યું છે. જોકે, અહીં સવાલ એ છે કે ચાર મહિનાથી પગારની રાહ જોતા કર્મચારીઓને માત્ર એક-બે મહિનાના પગારની ખાતરી આપવાથી સમસ્યાનો સંપૂર્ણ ઉકેલ આવી જશે ખરો? બાકીના પગારની ચુકવણી ક્યારે થશે અને તેની જવાબદારી કોણ લેશે? **સુબીરના 40 જેટલા મજૂરોનું શું? એજન્સીનો સંપર્ક પણ ન થઈ શક્યો!** આ સમગ્ર મામલામાં સૌથી ચિંતાજનક બાબત સુબીર તાલુકાના આશરે 40 જેટલા કર્મચારીઓની છે. આ કર્મચારીઓના પગાર અંગે માહિતી મેળવવા એજન્સીનો સંપર્ક કરવાનો પ્રયાસ કરવામાં આવ્યો હતો, પરંતુ એજન્સી સાથે સંપર્ક થઈ શક્યો નહોતો. પરિણામે સુબીરના કર્મચારીઓના પગાર અંગે હાલ કોઈ સ્પષ્ટતા સામે આવી નથી. આહવાના મજૂરોને પગાર ચૂકવવાની વાત કરવામાં આવી રહી છે, પરંતુ સુબીરના 40 જેટલા કર્મચારીઓના બાકી પગારનો ઉકેલ કોણ લાવશે? શું આ કર્મચારીઓએ પણ પોતાના હકના પગાર માટે વારંવાર કચેરીઓના ધક્કા ખાવા પડશે? **કોન્ટ્રાક્ટ પૂરો થયો તો જવાબદારી કોની?** અગાઉ એજન્સી દ્વારા ટેલિફોનિક વાતચીતમાં છ મહિનાનો કોન્ટ્રાક્ટ પૂર્ણ થઈ ગયો હોવા છતાં પાણી પુરવઠા વિભાગ દ્વારા કોન્ટ્રાક્ટ રિન્યુ કરવામાં આવ્યો ન હોવાનું અને નાણાંની અછત હોવાનું જણાવાયું હતું. જો કોન્ટ્રાક્ટ પૂર્ણ થયો હતો તો નવી વ્યવસ્થા સમયસર કેમ ન કરવામાં આવી? કર્મચારીઓના પગારની ચુકવણી માટે વિભાગે શું પગલાં લીધાં? અને એજન્સી દ્વારા મજૂરોના પગારની જવાબદારી ક્યારે પૂર્ણ કરવામાં આવશે? **એન્જિનિયર ગૌતમ પટેલની ખાતરી સામે હવે કાર્યવાહીનો સવાલ!** પાણી પુરવઠા વિભાગના એન્જિનિયર ગૌતમ પટેલે ટેલિફોનિક વાતચીત દરમિયાન પોતે રસ્તામાં હોવાનું અને કચેરીએ પહોંચીને કર્મચારીઓની સમસ્યાનું નિરાકરણ લાવવાની ખાતરી આપી હતી. હવે અધિકારી દ્વારા આપવામાં આવેલી ખાતરી મુજબ કર્મચારીઓના તમામ બાકી પગારની ચુકવણી થાય છે કે નહીં તે જોવું રહ્યું. **તંત્ર માટે સીધા સવાલો:** - આહવા તાલુકાના કર્મચારીઓનો બાકી રહેલો તમામ પગાર ક્યારે ચૂકવાશે? - સુબીરના 40 જેટલા કર્મચારીઓના પગારની જવાબદારી કોણ લેશે? - એજન્સીનો કોન્ટ્રાક્ટ પૂર્ણ થયા બાદ પણ કર્મચારીઓ પાસે કામ લેવામાં આવ્યું હોય તો તેમના પગારની વ્યવસ્થા કોણે કરવાની હતી? - ચાર મહિનાથી પગાર બાકી હોવા છતાં જવાબદાર અધિકારીઓએ અગાઉ કાર્યવાહી કેમ ન કરી? - કર્મચારીઓને પગાર ચૂકવવા માટે પાણી પુરવઠા વિભાગ કોઈ ચોક્કસ સમયમર્યાદા જાહેર કરશે ખરું? **પાણી પુરવઠાની કામગીરી કરતા મજૂરોને જ પગાર માટે ધરણાં કરવા પડે તે કેવી વ્યવસ્થા?** પંપ ઓપરેટર, લાઇનમેન અને વાલ્વમેન જેવા કર્મચારીઓની કામગીરી વગર ગામડાંઓ સુધી પાણી પહોંચાડવું મુશ્કેલ છે. જો કર્મચારીઓની હડતાળ લાંબી ચાલશે તો તેની અસર સામાન્ય નાગરિકોના પાણી પુરવઠા પર પણ પડી શકે છે. હવે ડાંગ જિલ્લા વહીવટી તંત્ર, પાણી પુરવઠા વિભાગના ઉચ્ચ અધિકારીઓ અને સંબંધિત એજન્સીએ આ મામલે જવાબદારી સ્પષ્ટ કરી તમામ કર્મચારીઓના બાકી પગારની ચુકવણી સુનિશ્ચિત કરવી જોઈએ. **એક તરફ આહવાના મજૂરોને આંશિક પગાર ચુકવણીની વાત, તો બીજી તરફ સુબીરના 40 જેટલા મજૂરો હજુ જવાબની રાહમાં! આખરે મજૂરોના પરસેવાની કમાણી અપાવવા માટે એજન્સી જવાબદાર છે કે પાણી પુરવઠા વિભાગ? હવે માત્ર આશ્વાસન નહીં, પરિણામ જોઈએ! અખંડ ભારત