Business News

તેરાપંથ ભવન, ચલથાણ ખાતે અખિલ ભારતીય તેરાપંથ મહિલા મંડળના માર્ગદર્શન હેઠળ ભવ્ય "શ્રી ઉત્સવ"નું આયોજન કરવામાં આવ્યું હતું. કાર્યક્રમનો પ્રારંભ સુરત જિલ્લા ભાજપ સંગઠન મહામંત્રી અંકુરભાઈ દેસાઈ, કડોદરા-ચલથાણ નગરપાલિકાના પ્રમુખ રામભાઈ ચોસલા, નગરપાલિકાના હોદ્દેદારો, નગરસેવકો તેમજ અનેક આગેવાનો અને મહાનુભાવોની ઉપસ્થિતિમાં રિબન કાપીને પ્રદર્શનનું ઉદ્ઘાટન કરીને કરવામાં આવ્યો હતો.અખિલ ભારતીય તેરાપંથ મહિલા મંડળના નિર્દેશન હેઠળ સમગ્ર દેશમાં "શ્રી ઉત્સવ"ની ઉજવણી કરવામાં આવી રહી છે. તેની શ્રેણીમાં તેરાપંથ મહિલા મંડળ, ચલથાણ દ્વારા આ ભવ્ય પ્રદર્શનનું આયોજન કરવામાં આવ્યું છે. કાર્યક્રમને સ્થાનિક નાગરિકો અને મહિલાઓ તરફથી ઉત્સાહભર્યો પ્રતિસાદ મળ્યો હતો.આ આયોજનનો મુખ્ય હેતુ મહિલાઓમાં રહેલી સર્જનાત્મકતા, કળા, હસ્તકલા અને વ્યવસાયિક કુશળતાને પ્રોત્સાહન આપવાનો તેમજ નારીશક્તિને આત્મનિર્ભરતા તરફ આગળ વધારવાનો છે. ખાસ કરીને મહિલાઓને પોતાના ઉત્પાદનો અને હુન્નરને પ્રદર્શિત કરવા માટે એક સશક્ત મંચ ઉપલબ્ધ કરાવવાના ઉદ્દેશ સાથે આ પ્રદર્શનનું આયોજન કરવામાં આવ્યું હતું.પ્રદર્શનમાં કુલ 45 વિવિધ પ્રકારના સ્ટોલ ઉભા કરવામાં આવ્યા હતા, જેમાં સુરત શહેર તેમજ આસપાસના વિસ્તારોમાંથી મોટી સંખ્યામાં મહિલા ઉદ્યોગસાહસિકોએ ભાગ લીધો હતો. સ્ટોલોમાં હેન્ડમેડ વસ્તુઓ, ગૃહઉદ્યોગ આધારિત ઉત્પાદનો, પરંપરાગત વસ્ત્રો, જ્વેલરી, ઘરગથ્થુ ઉપયોગની ચીજવસ્તુઓ, ફૂડ પ્રોડક્ટ્સ સહિત અનેક પ્રકારની આકર્ષક વસ્તુઓનું પ્રદર્શન અને વેચાણ કરવામાં આવ્યું હતું.આ કાર્યક્રમનો મુખ્ય ઉદ્દેશ મહિલાઓ તથા નાના ઉદ્યોગસાહસિકોને તેમના ઉત્પાદનોનું માર્કેટિંગ કરવાની તક આપવાનો, તેમના વ્યવસાયને નવી દિશા આપવાનો અને વિકાસ માટે સશક્ત પ્લેટફોર્મ પૂરું પાડવાનો છે. આયોજકોના જણાવ્યા મુજબ "શ્રી ઉત્સવ" માત્ર એક પ્રદર્શન નહીં, પરંતુ મહિલા સશક્તિકરણ, સ્વરોજગાર અને આત્મનિર્ભર ભારતના સંકલ્પને મજબૂત બનાવતો પ્રયાસ છે.પ્રદર્શન દરમિયાન મોટી સંખ્યામાં મુલાકાતીઓએ વિવિધ સ્ટોલોની મુલાકાત લઈને ખરીદી કરી હતી, જેના કારણે મહિલા ઉદ્યોગસાહસિકોમાં પણ ઉત્સાહનો માહોલ જોવા મળ્યો હતો. આયોજકોએ વિશ્વાસ વ્યક્ત કર્યો હતો કે આ પ્રકારના કાર્યક્રમો મહિલાઓને નવા વ્યવસાયિક અવસરો પૂરા પાડશે અને તેમના આત્મવિશ્વાસ તથા આર્થિક સશક્તિકરણમાં મહત્વપૂર્ણ યોગદાન આપશે.

વિધાનસભાના અધ્યક્ષ શંકરભાઈ ચૌધરી અને કેબિનેટ મંત્રી જીતુભાઈ વાઘાણીના વરદ હસ્તે આજે કરવામાં આવ્યું મોટી સંખ્યામાં ખેડૂતો ઉપસ્થિત રહ્યા હતા. આગામી સમયમા રાધનપુર ખાતે ગોબર પ્લાન્ટ નું લોકાર્પણ કરવામાં આવશે તેવી જાહેરાત શંકર ચૌધરીએ કરી હતી. આ પ્રસંગે ખેડૂત લાભાર્થીઓને ચેક વિતરણ કરવામાં આવ્યા હતા.સરહદી વિસ્તાર એવા રાધનપુર ખાતે માર્કેટ યાર્ડમાં આવતા ખેડૂતોને કોઈપણ જાતની તકલીફ ન પડે તે માટે માર્કેટ યાર્ડ ખાતે રૂપિયા 1.25 કરોડના ખર્ચે ઓફિસ બિલ્ડીંગ તેમજ 7,91000 ખર્ચે ખેડૂત આરામ ગૃહ તેમજ ખેડૂતોનો મહામુલો મોલ પલળે નહીં તે માટે રૂપિયા 1.62 લાખ ખર્ચ ઓપ્શન શેડનું તેમજ બેન્કિંગ વ્યવહારો માટે ખેડૂતોને અન્ય જગ્યાએ જવું ન પડે તે માટે રાધનપુર માર્કેટ યાર્ડમાં જ બનાસ બેંકની નવીન શાખાનું ઉદઘાટન વિધાનસભાના અધ્યક્ષ શંકર ચૌધરી અને કેબિનેટ મંત્રી જીતુ વાઘાણીના હસ્તે આજે રાધનપુર એપીએમસી ખાતે કરવામાં આવ્યું હતું.આ પ્રસંગે વિધાનસભાના અધ્યક્ષ શંકર ચૌધરીએ જણાવ્યું હતું કે ખેડૂતોના હિતમાં કેન્દ્ર અને રાજ્ય સરકાર કામ કર્યું છે સાથે સાથે જ સહકાર ક્ષેત્રે પણ સરકાર ખેડૂતો લક્ષી કામ કરી રહી છે. માઇક્રો ઇરીગેશન માટે ટ્રીપ અને સ્પ્રિન્કલ ની સબસીડી માં વધારો કરવાનો સરકારે નિર્ણય કર્યો છે જે પાણીની અછત વાળા વિસ્તારો માટે આશીર્વાદ રૂપ સમાન થશે.તો રાધનપુરમાં પણ બનાસ ડેરી દ્વારા ગોબર ગેસ પ્લાનટ બનાવવાનો નિર્ણય બનાસ ડેરીએ કર્યો છે જેથી ખેડૂતોને આર્થિક લાભ થશે.અસંભવને સંભવ બનાવવાનું કામ આ ધરતી પર સિંચાઈના પાણીથી નરેન્દ્રભાઈ મોદીના નેતૃત્વમાં થયું છે. કપાસનું ઉત્પાદન કરતા ખેડૂતો માટે કેન્દ્ર સરકારે એક વિશેષ મિશન સ્વરૂપે એક કામ હાથ લીધું છે જેમાં ઓછા અંતરે પ્રતિ હેક્ટર દીઠ રૂ.14000 ઇનપુટની સહાય અને તાલીમ ખેડૂતોને મળશે. રાજ્યના માર્કેટયાર્ડમાં સોલાર સાથેનો શેડ બનાવવાનો રાજ્ય સરકારે નિર્ણય કર્યો છે. આ પ્રસંગે ખેડૂત લાભાર્થીઓને સહાય વિતરણ ચેકોનું મહાનુભાવના હસ્તે વિતરણ કરવામાં આવ્યું હતું આ પ્રસંગે મોટી સંખ્યામાં ખેડૂતો ઉપસ્થિત રહ્યા હતા તો માર્કેટ યાર્ડ ખાતે વિવિધ જાણસો માટે બનેલ શેડ ખેડૂતો અને વહેપારીઓ માટે આશીર્વાદ રૂપ બનતા ખુશી જોવા મળી હતી..રિપોર્ટર:-દશરથ ઠાકોર

કાશીપુરા–નસવાડી માર્ગ પર જોખમી હાલતમાં હાઈ ટેન્શન વીજ લાઈન, ગ્રામજનોમાં ભયનો માહોલનસવાડી તાલુકાના કાશીપુરાથી નસવાડી જવાના મુખ્ય માર્ગ પર આવેલા કેટલાક વીજપોલ અને હાઈ ટેન્શન વીજ લાઈનો ખૂબ જ નીચી ઊંચાઈએ હોવાથી અકસ્માતનો ભય ઊભો થયો છે. ખાસ કરીને ભારે વાહનો, ટ્રેક્ટર તથા ખેતીના સાધનો પસાર થતા સમયે ગંભીર જોખમ સર્જાઈ શકે તેવી સ્થિતિ છે.ગ્રામજનોનું કહેવું છે કે આ હાઈ ટેન્શન લાઈનોને તાત્કાલિક ધોરણે વધુ ઊંચી કરવામાં આવે અને જોખમી વીજપોલની યોગ્ય મરામત કરવામાં આવે, જેથી કોઈ દુર્ઘટના સર્જાય તે પહેલાં જ જરૂરી કાર્યવાહી થઈ શકે.સ્થાનિક લોકોએ સંબંધિત વીજ વિભાગ અને વહીવટી તંત્રને વહેલી તકે સ્થળ નિરીક્ષણ કરીને કાયમી ઉકેલ લાવવા માંગ કરી છે. ગ્રામજનોનું કહેવું છે કે જો સમયસર કામગીરી નહીં કરવામાં આવે તો કોઈ મોટી જાનહાનિ સર્જાય તેવી શક્યતા નકારી શકાય નહીં.