Technology News

સાંતલપુર :પાટણ જિલ્લાના સાંતલપુર તાલુકાના વૌવા ગામે મોડી રાત્રે અજાણ્યા હિંસક પ્રાણીએ આતંક મચાવતા ગ્રામજનોમાં ભારે ફફડાટ ફેલાયો છે. હિંસક પ્રાણીએ ગામમાં 20થી વધુ ગ્રામજનો તેમજ પશુઓ પર હુમલો કર્યો હોવાની માહિતી સામે આવી છે.હુમલામાં અનેક ગ્રામજનો અને પશુઓ ઈજાગ્રસ્ત થતાં સમગ્ર ગામમાં દહેશતનો માહોલ સર્જાયો હતો. ઈજાગ્રસ્ત ગ્રામજનોને તાત્કાલિક સારવાર માટે ધારપુર સિવિલ હોસ્પિટલ ખાતે ખસેડવામાં આવ્યા હતા.પ્રાથમિક ચર્ચા મુજબ હિંસક પ્રાણી દ્વારા કરવામાં આવેલા હુમલા પાછળ શિયાળ હોવાની આશંકા વ્યક્ત કરવામાં આવી રહી છે. જોકે, હિંસક પ્રાણી અંગે સત્તાવાર પુષ્ટિ હજુ થવાની બાકી છે.હિંસક પ્રાણીએ ગામમાં કેટલાક પશુઓ પર પણ હુમલો કરતાં પશુઓ ઈજાગ્રસ્ત થયા છે. ઘટનાની જાણ થતાં જ વન વિભાગની ટીમ વૌવા ગામે પહોંચી હતી અને હિંસક પ્રાણીને શોધવા માટે સર્ચ ઓપરેશન હાથ ધર્યું છે.ગામલોકોમાં ભયનો માહોલ જોતાં ગ્રામજનોએ હિંસક પ્રાણીને વહેલી તકે પકડી પાડવા તથા ગામમાં વધુ કોઈ અનિચ્છનીય ઘટના ન બને તે માટે જરૂરી કાર્યવાહી કરવા વન વિભાગ સમક્ષ માંગ કરી છે.હુમલાની ઘટનાને પગલે હાલ વૌવા ગામમાં ભારે ફફડાટ અને દહેશતનો માહોલ જોવા મળી રહ્યો છે.રિપોર્ટર :-દશરથ ઠાકોર

જિલ્લા વહીવટી તંત્ર, પંચમહાલ અને જિલ્લા રમત વિકાસ અધિકારીશ્રીની કચેરી, પંચમહાલના સંયુક્ત ઉપક્રમે ‘રાષ્ટ્રીય રમત દિવસ’ની ઉજવણીના ભાગરૂપે હાલોલ ખાતે ભવ્ય સાયકલ રેલીનું આયોજન કરવામાં આવ્યું હતું. "ચાલો, તંદુરસ્તી, રમતગમત અને એકતાની ભાવનાની ઉજવણી સાથે જોડાઈએ" ના સંદેશ સાથે આયોજિત આ રેલીનો મુખ્ય ઉદ્દેશ્ય નાગરિકોમાં સ્વાસ્થ્ય અને રમતગમત પ્રત્યે જાગરૂકતા લાવવાનો હતો. આ સાયકલ રેલી આજે સવારે નિયત સમયે હાલોલ સ્થિત જનતા બેંક ખાતેથી ઉત્સાહભેર પ્રસ્થાન થઈ હતી. નિર્ધારિત સાયકલિંગ રૂટ મુજબ રેલી જનતા બેંકથી શરૂ થઈ પાવાગઢ, વડતળાવ થઈને પરત હાલોલ તાલુકા સ્પોર્ટ્સ કોમ્પ્લેક્સ ખાતે પહોંચી સમાપન પામી હતી. રેલીમાં ભાગ લેનાર તમામ સહભાગીઓ સફેદ ટી-શર્ટ અને કાળા ટ્રેક પેન્ટના ડ્રેસ કોડમાં સજ્જ થઈને જોડાયા હતા. આજના આ પ્રસંગે પોલીસ વિભાગના ઉચ્ચ અધિકારીઓ તથા કર્મચારીઓ, જિલ્લા વહીવટી તંત્રના અધિકારીઓ તેમજ કર્મચારીઓ અને મોટી સંખ્યામાં સ્થાનિક રમતવીરો તથા નાગરિકોએ સાયકલિંગ કરી તંદુરસ્તીનો સંદેશ આપ્યો હતો. "સાથે સવારી, હંમેશા તંદુરસ્તી" અને "રમશે ભારત, જીતશે ભારત"ના સૂત્રોચ્ચાર સાથે સમગ્ર વાતાવરણ ઉર્જાસભર બની ગયું હતું. કાર્યક્રમના અંતે તાલુકા સ્પોર્ટ્સ કોમ્પ્લેક્સ ખાતે સહભાગીઓને અભિનંદન પાઠવી રાષ્ટ્રીય રમત દિવસની ઉજવણી કરવામાં આવી હતી.

ધરણીધર ભગવાન ના દર્શનાર્થે દાંતીવાડા તાલુકાના ડાંગીયા ગામેથી બ્રાહ્મણ પરીવાર દ્વારા દર વર્ષે ની જેમ આ વર્ષે પણ 25 મી પગપાળા સંઘ નિકળ્યો દરેક ની આસ્થાના પ્રતીક સમાન ભગવાન શામળિયા ના દર્શન માટે મોટી સંખ્યામાં બ્રાહ્મણ પરિવારમાંથી મોટી સંખ્યામાં લોકો જોડાયા હતા વાજતે ગાજતે ઢીમા ધરણીધર ભગવાન મંદિર દર્શન કરી ભાવિક ભક્તોએ ધન્યતા અનુભવી આ સમાજની એકતા અને ભગવાન પ્રત્યેની શ્રદ્ધા ની અદભુત ઝાંખી ના દર્શન થયા

NO DRUGS IN EAST KUTCH CAMPAIGN અંતર્ગત ગેરકાયદેસર માદક પદાર્થ “પોષડોડા તથા એમ.ડી.ડ્રગ્સ “ ના જથ્થા સાથે ત્રણ ઇસમો ને પકડી પાડતી સામખીયારી પોલીસ શ્રી ચિરાગ કોરડીયા સાહેબ મહે.પોલીસ મહાનિરીક્ષક સરહદી રેન્જ ભુજ કચ્છ તથા શ્રી સાગર બાગમાર સાહેબ પોલીસ અધિક્ષક પૂર્વ કચ્છ ગાંધીધામનાઓના માર્ગદર્શન હેઠળ જીલ્લામાં NO DRUGS IN EAST KUTCH CAMPAIGN અંતર્ગત ગેરકાયદેસર માદક પદાર્થોના સેવન, વેચાણ,હેરફેર અને વેપાર જેવી પ્રવૃતીઓને સંપુર્ણપણે નાબૂદ કરવા માટે વિશેષ અભિયાન હાથ ધ૨વામાં આવેલ છે આ અભીયાન અંતર્ગત ગેરકાયદેસર માદક પદાર્થો ના ગુનાઓ શોધી કાઢવા અને તેના વિરૂધ્ધ કડક કાર્યવાહી ક૨વા જરૂરી સુચનાઓ આપવામાં આવેલ તે અનુસંધાને શ્રી સાગર સાંબડા સાહેબ નાયબ પોલીસ અધિક્ષક ભચાઉ વિભાગ ભચાઉનાઓના માર્ગદર્શન શ્રી જે.એમ.ઝાલા પોલીસ ઈન્સ્પેકટર સામખીયારી પોલીસ સ્ટેશન નાઓના વડપણ હેઠળ સામખીયારી પોલીસ સ્ટેશન નો સ્ટાફ પોલીસ સ્ટેશન વિસ્તાર પેટ્રોલીંગ માં હતા આ દ૨મ્યાન ખાનગી રાહે બાતમી હકીકત મળેલ કે મોરબી સામખીયારી હાઇવે રોડ પર આવેલ હરિ શીવ કૃપા રાજસ્થાની હોટલ માં રાજેશકુમાર રઘુનાથરામ ૨હે.ગામ પુર તા.પુર જી.ઝાલોર રાજસ્થાન તેમજ જગદિશ સોગારામ બિશ્નોઇ ૨હે.ગામ મગ૨ા તા.ચોહટન જી.બાડમેર રાજસ્થાન તેમજ રૂગનાથ જાલારામ બિશ્નોઈ રહે.ગામ પુર તા.પુર જી.ઝાલોર રાજસ્થાનવાળાઓ” પોતાના કબ્જા ભોગવટાની હોટલમાં પોષડોડા તેમજ એમ.ડી. ડ્રગ્સનુ વેચાણ કરી રહેલ છે અને હાલે વેચાણ ચાલુ છે જે ચોક્કસ બાતમી હકીકત આધારે સામખીયારી પોલીસ સ્ટાફ દ્વારા જરૂરી વર્કઆઉટ કરી સરકારી પંચો સાથે ઉપરોક્ત બાતમીવાળી જગ્યાએ જઈ રેઇડ કરતા ઉપરોક્ત બાતમી હકીકત વાળા ઇસમો મળી આવતા તે ઇસમો તથા તેના કબ્જા ભોગવટાવાળી હોટલ માં પંચો રૂબરૂ તપાસ ક૨તા નીચે જણાવ્યા મુજબ નો પોષડોડા પાઉડર તથા એમ.ડી. ડ્રગ્સ મળી આવતા આ મામલે ત્રણેય આરોપીઓ વિરૂધ્ધ એન.ડી.પી.એસ એક્ટ-૧૯૮૫ હેઠળ કાયદેસર ની કાર્યવાહી હાથ ધરવામાં આવી છે. * પકડાયેલ આરોપીઓ (૧) રાજેશકુમાર રઘુનાથારામ બિશ્નોઈ ઉ.વ.૨૭ ધંધો. હોટલ સંચાલક ૨હે.ગામ પુર તા.પુર જી.ઝાલોર રાજસ્થાન (૨) રઘુનાથારામ જાલારામ બિશ્નોઈ ઉ.વ.૬૧ ધંધો. હોટલ સંચાલક ૨હે.ગામ પુર તા.પુર જી.ઝાલોર રાજસ્થાન (૩) જગદિશ સોગારામ બિશ્નોઈ ઉ.વ.૧૯ ધંધો.હોટલ ૨હે.ગામ મગરા તા.ચોહટન જી.બાડમેર રાજસ્થાન > કબ્જે કરવામાં આવેલ મુદામાલ અનુ. મુદામાલ डि.३. १ એન.ડી.પી.એસ માદક પદાર્થ બ્રાઉન એમ.ડી. ૧૮ ગ્રામ ५४०००/- २ એન.ડી.પી.એસ માદક પદાર્થ સફેદ એમ.ડી. ૨૫ ગ્રામ ७५०००/- 3 એન.ડી.પી.એસ માદક પદાર્થ પોષડૉડા પાઉડર ૩.૧૧૧ કિ.ગ્રા ૪૬૬૬૫/- X રોકડ રૂપીયા તથા એક આધારકાર્ડ १८५००/- ५ છ મોબાઈલ ફોન ५५०००/- ટોટલ મુદામાલ કિ.રૂ. २.५०.११५/-> કામગીરી કરનાર દ્વારા કરવામાં આવેલ છે. આ ઉપરોકત કામગીરી પોલીસ ઇન્સસ્પેકટર શ્રી જે.એમ.ઝાલા સાહેબ તથા સામખીયારી પોલીસ સ્ટાફ રિપોર્ટ બાય નકુમ સલીમભાઈ

વિંછીયા તાલુકાના હિંગોળગઢ, લાલાવદર, ખડકાણા, અમરાપુર, ગુંદાળા (જસ) તથા ભોયરા ગામોના ખેડૂતોને ઈકો-સેન્સિટિવ ઝોન (ESZ)ના પ્રશ્ને મોટી રાહત મળવાના સંકેતો મળ્યા છે. કેબિનેટ મંત્રી કુંવરજીભાઈ બાવળીયાની અધ્યક્ષતામાં ગ્રામજનો સાથે યોજાયેલી બેઠકમાં ખેડૂતો દ્વારા ઈકો-સેન્સિટિવ ઝોનના કારણે ખેતીની જમીનમાં બિનખેતી (NA), બાંધકામ, કૂવા, ફેન્સિંગ સહિતની કામગીરીમાં પડતી મુશ્કેલીઓ અંગે રજૂઆતો કરવામાં આવી હતી. ખેડૂતોની રજૂઆતને ધ્યાને લઈ ખાનગી ખેતીની જમીનના 7/12ના ઉતારામાંથી ઈકો-સેન્સિટિવ ઝોનની નોંધ દૂર કરવા અંગે કાર્યવાહી હાથ ધરવા ખાતરી આપવામાં આવી હતી. તેમજ ખેતી માટે ટ્રેક્ટર, કૂવા માટે JCB સહિતની કામગીરીમાં જરૂરી મંજૂરીઓ સરળતાથી મળી રહે તે માટે પણ રજૂઆત કરવામાં આવશે. ઈકો-સેન્સિટિવ ઝોનમાં ખાણકામ, મોટા ઉદ્યોગો અને મોટા પ્રમાણમાં પ્રદૂષણ ફેલાવતા પ્લાન્ટ સહિતની પ્રવૃત્તિઓ પર નિયંત્રણ યથાવત રહેશે, પરંતુ ખેડૂતોની રોજિંદી ખેતીલક્ષી પ્રવૃત્તિઓમાં બિનજરૂરી અડચણ ન આવે તે દિશામાં કાર્યવાહી કરવામાં આવશે. બેઠકમાં મંત્રી સહિત વન વિભાગના અધિકારીઓ અને મોટી સંખ્યામાં ગ્રામજનો ઉપસ્થિત રહ્યા હતા.