Entertainment News

*હુસેનાબાદ ચમનવાડી નવી સોસાયટીમાં બે ઝેરીલા નાગ ઝડપાતા ભયનો માહોલ, સરપંચની તાત્કાલિક કામગીરીથી લોકોને રાહત* માંગરોળ: હુસેનાબાદ ગામની ચમનવાડી નવી સોસાયટી વિસ્તારમાં આવેલા એક પડતર કૂવામાંથી બે ઝેરીલા નાગ જોવા મળતા સ્થાનિક રહેવાસીઓમાં ભારે ભય અને ગભરાટ ફેલાઈ ગયો હતો. ઘટનાની જાણ થતાં જ ગ્રામ પંચાયતના સરપંચ શ્રી હસનભાઈ પીરજી તાત્કાલિક સ્થળ પર પહોંચી પરિસ્થિતિનું નિરીક્ષણ કર્યું. સરપંચશ્રીએ વિલંબ કર્યા વગર સાપ પકડવામાં નિષ્ણાત શ્રી પ્રવીણભાઈ ગોહેલ પરમાર (રહેવાસી: સરકારી હોસ્પિટલની બાજુમાં, માંગરોળ)નો સંપર્ક કરી તેમને સ્થળ પર બોલાવ્યા હતા. પ્રવીણભાઈએ કુશળતાપૂર્વક બંને ઝેરીલા નાગને સુરક્ષિત રીતે પકડી પાંજરામાં પુર્યા બાદ તેમને જંગલ વિસ્તારમાં મુક્ત કરી દીધા હતા. આ સમગ્ર કામગીરી બાદ સોસાયટીના રહેવાસીઓએ રાહતનો શ્વાસ લીધો. સ્થાનિકોએ જણાવ્યું કે છેલ્લા કેટલાક સમયથી ઝેરીલા સાપના ભયને કારણે લોકોમાં સતત ગભરાટનો માહોલ હતો. તેમણે સરપંચ શ્રી હસનભાઈ પીરજીનો આભાર વ્યક્ત કરતાં જણાવ્યું કે સમયસર કાર્યવાહી કરાતા સંભવિત જાનહાનિ ટળી અને લોકો ફરી નિર્ભય બન્યા. ગ્રામજનો દ્વારા પણ અપીલ કરવામાં આવી છે કે આવા પડતર કૂવા અને ઝાડી-ઝાંખરા જેવી જોખમી જગ્યાઓની સમયસર સફાઈ કરવામાં આવે જેથી ભવિષ્યમાં આવી ઘટનાઓ ફરી ન બને. પત્રકાર હસન પીરજી

*હુસેનાબાદ-શેપા માર્ગ પર આવેલા રાહતના તળાવનો પાળો ધોવાઈ જતાં તાત્કાલિક સમારકામની માંગ* માંગરોળ: તાજેતરમાં પડેલા ભારે વરસાદના કારણે હુસેનાબાદથી શેપા જવાના માર્ગ પર આવેલું રાહતનું તળાવનો પાળો ધોવાઈ જતાં તળાવની સુરક્ષા સામે ગંભીર પ્રશ્ન ઊભો થયો છે. હુસેનાબાદ ગામના સરપંચ હસન પીરજીએ પંચાયત સિંચાઈ વિભાગના નાયબ કાર્યપાલક ઈજનેર, જુનાગઢને લેખિત રજૂઆત કરીને જણાવ્યું છે કે જો આ ધોવાયેલ પાળાનું તાત્કાલિક સમારકામ નહીં કરવામાં આવે તો પાળો તૂટી જવાની સંપૂર્ણ શક્યતા છે. આવી સ્થિતિમાં તળાવમાં સંગ્રહાયેલું પાણી આસપાસના ખેતરોમાં ફરી વળશે, જેના કારણે ખેડૂતોના ઉભા પાકને ભારે નુકસાન થવાની ભીતિ છે. સરપંચ હસન પીરજીએ વિભાગને વહેલી તકે સ્થળ નિરીક્ષણ કરીને જરૂરી સમારકામ હાથ ધરવા વિનંતી કરી છે, જેથી ખેડૂતોને નુકસાનથી બચાવી શકાય અને કોઈ અનિચ્છનીય પરિસ્થિતિ સર્જાય તે પહેલાં જ યોગ્ય કાર્યવાહી કરવામાં આવે. સ્થાનિક ખેડૂતો અને ગ્રામજનોએ પણ તંત્ર પાસે તાત્કાલિક પગલાં ભરવાની માંગ કરી છે. પત્રકાર હસન પીરજી

વાત્રક હોસ્પિટલના દાતાશ્રી પ્રકાશભાઇ શાહના નિધન પર શોકસભા યોજાઇધારાસભ્ય ધવલસિંહ ઝાલા સહિતના અગ્રણીઓએ શ્રદ્ધાંજલિ આપીબાયડ તા.11શ્રી કે.કે.શાહ ચેરીટેબલ ટ્રસ્ટ અને શ્રી કે.કે.સાબરકાંઠા આરોગ્ય મંડળ (વાત્રક) ના દાતા પ્રકાશભાઇ કે. શાહ (USA - સ્ટીવન્સ, સ્લોન એન્ડ શાહ સીપીએ, કેલીફોર્નીયા) નું દુઃખદ અવસાન થતાં સમગ્ર પંથકમાં શોકની લાગણી જોવા મળી હતી શુક્રવાર, તા. ૧૦-૭-૨૦૨૬ના રોજ સવારે ૧૦ થી ૧૨ કલાક દરમિયાન વાત્રક હોસ્પિટલ કેમ્પસ સ્થિત 'શ્રીમતી ઇન્દુમતીબેન સંઘવી હોલ' ખાતે ભાવભરી શોકસભાનું આયોજન કરવામાં આવ્યું હતું.આ શોકસભામાં બાયડ તાલુકાના ધારાસભ્ય ધવલસિંહ ઝાલા, વાત્રક હોસ્પિટલ ના પૂર્વ સેકટરી , ખેતી બેંક ના પૂર્વ ચેરમેન કનુભાઈ પટેલ, બાયડ ખેતીવાડી ઉત્પન બજાર સમિતિ ના સેક્રેટરી જીગ્નેશભાઈ પટેલ, ચેરમેન તેમજ બાયડ નગરપાલિકા પ્રમુખ જીતેન્દ્રભાઈ પટેલ તેમજ બાયડ નગર ના કોર્પોરેટર સ્નેહલ ભાઈ પટેલ, બાયડ તાલુકા તેમજ શહેર પ્રમુખ, મહામંતી તેમજ ભાજપ ના કાર્યકર મોટી સંખ્યા માં ઉપસ્થિત રહ્યા હતા અગ્રણીઓ, વાત્રક હોસ્પિટલનો સમગ્ર સ્ટાફ તેમજ આજુબાજુના ગ્રામ્ય વિસ્તારમાંથી મોટી સંખ્યામાં પધારેલા લોકોએ ઉપસ્થિત રહીને સ્વર્ગસ્થને શ્રદ્ધાંજલિ અર્પણ કરી હતી. પ્રકાશ શાહ તેઓ અમેરિકામાં પ્રતિષ્ઠિત Certified Public Accountant (CPA) હતા અને સમાજસેવા તથા શિક્ષણ ક્ષેત્રે પણ નોંધપાત્ર યોગદાન આપનાર હતા. તેઓ ગાબટ હાઈસ્કૂલના સ્થાપક દાતા હતા અને શિક્ષણના વિકાસ માટે તેમનું યોગદાન હંમેશા યાદ રહેશે. તેઓ ગુજરાતના ગાબટ ગામના વતની અને તમિલનાડુના પૂર્વ રાજ્યપાલ સ્વ. કે. કે. શાહના પુત્ર હતા. કે. કે. શાહે 1971થી 1976 દરમિયાન તમિલનાડુના રાજ્યપાલ તરીકે સેવા આપી હતી. અવસાન થતાં ગાબટ ગામ માં શોક ની લાગણી જોવા મળી હતી તેમજ ગાબટ ગામે શ્રદ્ધાંજલિનો કાર્યક્રમ કરવામાં આવ્યો હતો એસોસિયન બજારમાં એક દિવસ માટે માર્કેટ તેમજ દુકાનો બંધ રાખી હતી