ગીરસોમનાથ જીલ્લાના ગ્રામ્ય અને શહેરો વિસ્તારોમાં શુટો સ્વાયો વરસાદ વરસ્યો

ઈડરમાં 28મી જગન્નાથ ભગવાનની રથયાત્રા ભગવાન જગન્નાથ ભાઈ બલભદ્ર અને સુભદ્રાજી સાથે યાત્રા જેમાં ભક્તો અને નાની બાળાઓ સાથે હર્ષ ઉલ્લાસ સાથે નીકળી જે એના કાયમિક રુટ મંદિરમાંથી નીકળીને બજારમાં થઈને જલારામ મંદિરથી પોલીસ સ્ટેશન આગળ થઈને નીકળી જેમાં પોલીસ સ્ટેશન આગળ આવતા એસ.પી સાહેબશ્રી ડો.પાર્થરાજસિંહ ગોહિલ સાહેબ અને ડીવાયએસપી સાહેબ અને ઇડર પીઆઇ સાહેબ દ્વારા ભગવાન જગન્નાથને ફૂલોનો હાર ચડાવીને ભવ્ય સ્વાગત કરવામાં આવ્યું અને શાંતિપૂર્ણ ભક્તો સાથે રથયાત્રા નિજ મંદિર શાંતિ પૂર્વક પહોંચી ગઈ જય જગન્નાથ જય રણછોડ

આણંદ જિલ્લાના ઉમરેઠ તાલુકા વિસ્તારના બેચરી - હમિદપુરા કેનાલ ફાટતા કેનાલનું પાણી આજુ બાજુના સંખ્યાબંધ ખેતરો તળાવ જેવી હાલતમાં ફેરવાઈ ગયા હતા, અને 50 થી વધુ મકાનો ને સુરક્ષા ની દ્રષ્ટિ એ ખાલી કરાવ્યા હતા, ઘટનાની જાણ થતા ઉમરેઠ વિધાનસભા ના ધારાસભ્ય શ્રી હર્ષદભાઈ પરમાર તાત્કાલિક ઘટના સ્થળે દોડી આવ્યા હતા, હમિદપુરા ગામના આંકડિયા વિસ્તારમાં જ્યાં આશરે 300 માણસ વસવાટ કરેછે . ઉમરેઠ તાલુકાના મામલતદાર શ્રી પારેખ સાહેબ તથા તાલુકા વિકાસ અધિકારી શ્રી મકવાણા સાહેબ તથા ઉમરેઠ PI શ્રી રામી સાહેબ તથા તેમનો સ્ટાફ તેમજ સિંચાઈ ખાતાનો સ્ટાફ અને આણંદ જિલ્લાના સાંસદ શ્રી મિતેશભાઈ પટેલ સાહેબે અસરગ્રસ્ત વિસ્તાર ની મુલાકાત લીધી હતી. જણાવ્યા મુજબ કોર ઉંદરના દર અને સાવડીઓના દર ના કારણે નાનું ગાબડું પડેલ હશે પણ કોઈના ધ્યાને ના આવતા , તેમજ સિંચાઈ વિભાગ દ્વારા નહેરનું કામ ચાલુ હતું જે પૂર્ણ થવાને આરે હતું, પરંતુ અત્યારે ડાંગર રોપવાની સિઝન ને ધ્યાને રાખી સિંચાઈ વિભાગ દ્વારા નહેરમાં પાણી છોડવામાં આવ્યું હતું જે ના કારણે નાના ગાબડા માંથી ધીમે ધીમે મોટા ગાબડાએ સ્વરૂપ લઈ આશરે 20 ફૂટ નો ખાડો પડી ગયો છે, રહેણાક વિસ્તારમાં પાણી ભરાતા ત્યાંના રહીશો તેમજ પશુધન ને મામલતદાર શ્રી તથા TDO શ્રી તેમજ પોલીસ સ્ટાફ અને સરપંચ શ્રી તથા ગ્રામજનોના સહયોગથી હમિદપુરા પ્રાથમિક શાળામાં ખસેડવામાં આવ્યા છે, ઊભા પાકને નુકસાન થતા ખેડૂતોએ નુકસાનનો સર્વે કરી યોગ્ય વળતરની માંગ ઉઠાવી છે, તો ધારાસભ્ય શ્રી હર્ષદભાઈ પરમારે જણાવ્યું હતું કે જે નુકસાનની માંગણી છે તેને ઉચ્ચ કક્ષાએ અજુઆત કરી યોગ્ય વળતર મળે તેવી ખાતરી આપી હતી.

હિંમતનગર : સાબરકાંઠા જિલ્લામાં ચાંદીપુરા વાયરસના સંભવિત રોગચાળાને ધ્યાનમાં રાખીને જિલ્લા આરોગ્ય વિભાગ દ્વારા સરકારની માર્ગદર્શિકા તેમજ જિલ્લા કલેક્ટર અને જિલ્લા વિકાસ અધિકારીના માર્ગદર્શન હેઠળ સઘન અને સંકલિત કામગીરી હાથ ધરવામાં આવી છે. જિલ્લામાં 6 જુલાઈ, 2026થી અત્યાર સુધી પોશીના તાલુકાના ગણેર ગામમાં એક બાળકમાં ચાંદીપુરા વાયરસનો પોઝિટિવ કેસ નોંધાયો છે. જ્યારે તલોદ, વડાલી અને વિજયનગર તાલુકાના પાંચ શંકાસ્પદ કેસોના રિપોર્ટ નેગેટિવ આવ્યા છે, જે નિયંત્રણ તરફનો સકારાત્મક સંકેત માનવામાં આવી રહ્યો છે. આરોગ્ય વિભાગ દ્વારા વર્ષ 2026 દરમિયાન નોંધાયેલા છ પોઝિટિવ કેસોના પાંચ ગામો તેમજ હાલના રોગચાળા દરમિયાન ત્રણ તાલુકાના શંકાસ્પદ કેસોના સાત ગામો સહિત કુલ 12 ગામોમાં વિશેષ સર્વેલન્સ અને આરોગ્યલક્ષી કામગીરી હાથ ધરવામાં આવી રહી છે. જિલ્લા કલેક્ટરે સરકારી તથા ખાનગી તબીબો સાથે બે વીડિયો કોન્ફરન્સ યોજી રોગની વહેલી ઓળખ, સારવાર પ્રોટોકોલ, રેફરલ સિસ્ટમ અને સર્વેલન્સ વધુ મજબૂત બનાવવા માટે માર્ગદર્શન આપ્યું હતું. તેમણે જણાવ્યું કે ચાંદીપુરા વાયરસ સામેની લડતમાં તંત્ર સંપૂર્ણ સજ્જ છે અને સમયસર સારવાર તથા સંકલન દ્વારા રોગચાળાને નિયંત્રણમાં લાવવાનો પ્રયાસ કરવામાં આવી રહ્યો છે. હાલમાં 12 ગામોમાં આશરે 3,994 ઘરોનો સર્વે કરીને 21,591 લોકોની આરોગ્ય તપાસ કરવામાં આવી છે. વેક્ટર નિયંત્રણ અંતર્ગત 1,631 કાચા અને 2,190 પાકા મકાનોમાં ડસ્ટિંગ તેમજ 164 ઘરોમાં દવા છંટકાવની કામગીરી કરવામાં આવી છે. લોકજાગૃતિ માટે ગ્રામસભાઓ, આરોગ્ય બેઠકો, 5,500થી વધુ માહિતી પત્રિકાઓનું વિતરણ તેમજ સોશિયલ મીડિયા દ્વારા સતત જનજાગૃતિ અભિયાન ચલાવવામાં આવી રહ્યું છે. મુખ્ય જિલ્લા આરોગ્ય અધિકારીએ નાગરિકોને અપીલ કરી છે કે બાળકોમાં તાવ, ઉલ્ટી, બેહોશી અથવા ખેંચ જેવા લક્ષણો જણાય તો તાત્કાલિક નજીકની આરોગ્ય સંસ્થાનો સંપર્ક કરવો. ઘરની સ્વચ્છતા જાળવવી, દીવાલોની તિરાડો પૂરી દેવી અને આરોગ્ય વિભાગને સહકાર આપવો જરૂરી છે. તેમણે જણાવ્યું કે "સાવચેતી અને સમયસર સારવારથી ચાંદીપુરા વાયરસથી બચી શકાય છે."

ઝઘડિયા ખાતે રથયાત્રા નિમિત્તે ભક્તિમય વાતાવરણ સર્જાયું-નગરજનો ઉત્સાહથી જગન્નાથજીની નગરચર્યામાં જોડાયા ઝઘડિયા હનુમાનજી મંદિરેથી નીકળેલ રથયાત્રા નગરમાં ફરીને લાડવાવડ મંદિરે પહોંચી સંપન્ન થઇ આજે અષાઢી બીજનો અવસર એટલે ભગવાન જગન્નાથની નગરચર્યાનો દિવસ. અષાઢી બીજનો દિવસ એટલે ભગવાન જગન્નાથની રથયાત્રાનો દિવસ. અષાઢી બીજના દિવસે ગુજરાત સહિત દેશભરમાં જગન્નાથજીની રથયાત્રા નીકળે છે. ભરૂચ જિલ્લાના તાલુકા મથક ઝઘડિયા ખાતે આજરોજ રથયાત્રા નીકળી હતી,જે હનુમાનજી મંદિરેથી નીકળીને નગરના વિવિધ વિસ્તારોમાં ફરીને લાડવાવડ મંદિરે પહોંચીને સંપન્ન થઇ હતી. ઝઘડિયા ખાતે ભગવાન જગન્નાથની નગરચર્યામાં નગરજનો ભક્તિભાવથી જોડાયા હતારથ યાત્રા ઝઘડિયા ના લીમોદરા ખાતે પહોચતા ત્યાંના મુસ્લિમ સમાજ ના આગેવાનો દ્વાર. સ્વાગત પણ કરવામાં આવ્યું. હતું રથયાત્રાના અવસરે ઝઘડિયા નગરમાં ભક્તિમય માહોલ સર્જાયો હતો. અષાઢ સુદ બીજ (અ‍ષાઢી બીજ) એટલે ભગવાન જગન્નાથજીની નગરચર્યાનો દિવસ. કંસના તેડાથી અક્રુરજી બાળ કૃષ્ણને રથમાં બેસાડીને ગોકુળથી મથુરા લાવ્યા હતા, આ દિવસથી રથાયાત્રાનો પ્રારંભ થયેલ હોવાનું માનવામાં આવે છે.અને આ દિવસે અમદાવાદ, જગન્નાથ પુરી સહિત દેશભરમાં રથયાત્રા નિકળે છે. અમદાવાદમાં નિકળતી રથયાત્રા ગુજરાતની સૌથી મોટી રથયાત્રા ગણાય છે, જ્યારે ઓરીસ્સામાં જગન્નાથ (શ્રી કૃષ્ણ), બલરામ અને સુભદ્રાજી એમ ત્રણેય મૂર્તિઓને મોટા રથમાં બિરાજમાન કરી પુરીના ગુડીયા મંદિરે લવાય છે. આ રથયાત્રા ભારતની તથા વિશ્વની સૌથી મોટી રથયાત્રા ગણાય છે. ઝઘડિયા નગર ખાતે રથયાત્રામાં નગરજનો મોટી સંખ્યામાં જોડાયા હતા. પરેશ પ્રજાપતિ

'ગંગા સ્વરૂપા આર્થિક સહાય યોજના' અંતર્ગત મળતી રકમમાં ગ્રાઉન્ડ રિયાલિટી અને વર્તમાન અસહ્ય મોંઘવારીના આધારે તાકીદે વધારો કરવા બાબતે આદિવાસી અગ્રણી દ્વારા મુખ્યમંત્રીને કરી રજૂઆત.વર્તમાન યોજના "ઊંટના મોઢામાં જીરું મુકવા સમાન"-કમસેકમ 5000 થી 7000 રૂપિયા માસિક સહાય મળવી જોઈએ-ડો.નિરવ પટેલ.રાજ્યની લાખો નિરાધાર ગંગા સ્વરૂપા માતા-બહેનોની વાસ્તવિકતા જે આજે કાગળ પર નહીં પણ સામાન્ય નાગરિકના રસોડામાં વર્તાઈ રહી છે. સરકાર દ્વારા અપાતી માસિક ₹૧૨૫૦ ની સહાય આજના સમયમાં 'ઊંટના મોંમાં જીરા' સમાન સાબિત થઈ રહી છે.આ બાબતે ખેરગામના યુથલીડર અને છાંયડો હોસ્પિટલના ગોલ્ડ મેડલિસ્ટ સર્જન ડો.નિરવ ભુલાભાઇ પટેલે મીડિયા સાથેની વાતચીતમાં જણાવ્યું છે કે ગ્રાઉન્ડ રિયાલિટીના આધારે જો રોજિંદા ખર્ચનું સરવૈયું માંડવામાં આવે તો સ્થિતિ અત્યંત દયનીય છે:૧. દૂધનો પ્રાથમિક ખર્ચ: આજે ૫૦૦ મિલી દૂધની એક થેલીના ₹૩૬ છે. મહિનાના ૩૦ દિવસ ગણીએ તો માત્ર દૂધનો ખર્ચ જ ₹૧૦૮૦ થાય છે.૨. બાકી બચેલી રકમની વાસ્તવિકતા: ₹૧૨૫૦ માંથી દૂધનો ખર્ચ બાદ કરતાં માત્ર ₹૧૭૦ બચે છે.આ બચેલા ₹૧૭૦ માં એક વિધવા માતા પોતાના બાળકો માટે મહિનાનું અનાજ-કરિયાણું કેવી રીતે લાવે? શાકભાજીના ભાવ આજે ₹૬૦ થી ₹૧૦૦ કિલો છે. આ સિવાય ગેસ સિલિન્ડર, લાઈટબિલ, બાળકોની શાળાની ફી, ચોપડા અને બીમારીના સમયે દવાઓનો ખર્ચ ક્યાંથી કાઢવો? રોજની ₹૪૧.૬૬ ની આવકમાં સન્માનપૂર્વક જીવવું તો દૂર, બે ટંક પૂરતું ભોજન મેળવવું પણ અશક્ય છે. વિકસિત દેશો પોતાની મહિલાઓને જે આર્થિક સુરક્ષા આપે છે,તેવી જ સુરક્ષા આપણું પ્રગતિશીલ ગુજરાત પણ આપી શકે છે.આથી, સામાન્ય વિસ્તારની બહેનો માટે આ સહાય વધારીને માસિક ₹૫૦૦૦ કરવામાં આવે તે આજના સમયની જરૂરિયાત છે. ઉપરાંત અંતરિયાળ અને પહાડી વિસ્તારોમાં રહેતી આદિવાસી ગંગા સ્વરૂપા બહેનોની સ્થિતિ વધુ ગંભીર છે.ત્યાં રોજગારીની કોઈ સ્થાનિક તકો નથી, ભૌગોલિક સ્થિતિ કઠિન છે અને બજાર દૂર હોવાથી પરિવહન પાછળ જ મોટો ખર્ચ થઈ જાય છે.આ બહેનો આર્થિક અને સામાજિક રીતે બેવડો માર સહન કરી રહી છે. માટે, આદિવાસી વિધવા બહેનો માટે વિશેષ જોગવાઈ કરીને આ સહાય માસિક ₹૭૦૦૦ કરવામાં આવે તે સમયની માંગ છે. કારણકે વૈશ્વિક સ્તરે જો નજર દોડાવ્યે તો વૈશ્વિક સ્તરે સામાજિક સુરક્ષાની સ્થિતિ પર નજર કરીએ તો:અમેરિકા (USA) માં વિધવા બહેનોને માસિક અંદાજે ₹૧,૦૦,૦૦૦ થી ₹૧,૫૦,૦૦૦ (ભારતીય રૂપિયામાં) સુધીની સહાય મળે છે.કેનેડા (Canada) માં દર મહિને અંદાજે ₹૩૦,૦૦૦ થી ₹૪૩,૦૦૦ ચૂકવાય છે.યુનાઇટેડ કિંગડમ (UK) માં પરિસ્થિતિ મુજબ માસિક ₹૧૦,૫૦૦ થી ₹૩૭,૦૦૦ ની સહાય આપવામાં આવે છે.માટે ગુજરાત રાજ્ય સરકારે પણ આજના મોંઘવારીના સમયમાં વિધવા માતા બહેનોનું વિચારીને સહાયમાં વધારો કરવો જોઈએ.