વિજયનગર તાલુકાના કોડિયાવાડા ગામે ભગવાન જગન્નાથની રથયાત્રા

અષાઢી બીજ નિમિત્તે સવેલા રામદેવજી મંદિર ખાતે ભક્તોનું ઘોડાપૂર ઉમટ્યું બાયડ તા.16 બાયડ તાલુકાના સવેલા ખાતે દર મહિનાની જેમ આ મહિને અષાઢી બીજ નિમિત્તે ભક્તોનું ઘોડાપૂર ઉમટ્યું હતું આ મંદિરે અષાઢી બીજ નિમિત્તેની ઉજવણી અનોખી લહેર એટલેકે ભજન સત્સંગ સાથે ભક્તિમય વાતાવરણની સુવાસ સમગ્ર બાયડ તાલુકામાં દિન પ્રતિદિન પ્રસરી રહી છે સવારથી જ પગપાળા અને નેજા લઈને સાંજ સુધી ભકતો દર્શનાર્થે આવે છે ત્યાં ભજન સંધ્યા અને મહા પ્રસાદનું પણ સુંદર આયોજન કરવામાં આવે છે. રામદેવપીર na ભક્તો સાઠંબા, તેનપુર, ઉંટરડા, ધનસુરા, બાયડ, ડેમાઈ, માધવકંપા, ગાબટ, વાત્રક તેમજ વિવિધ ગામનો ભક્તો દર્શન કરવા માટે દર્શન કરવા લાબી કતારો જોવા મળી હતી તેમજ 5000 થી વધુ ભક્તો એ પ્રસાદી નો લાભ લીધો હતો તેમજ હજારો ની સંખ્યામાં ભક્તો દર્શન કર્યા હતા બાયડ અને સવેલા રોડ ઉપર જય બાબરી તેમજ જય રામદેવપીર નારા ઓ ગુંજી ઊઠ્યા હતા દર્શનાર્થે આવેલા ભકતજનના જણાવ્યા મુજબ રામદેવજી મંદિરે અનેક લોકો પોતાની માનતાઓ માને છે. અને પગપાળા લીલુડો ઘોડો, નેજો, ધજા, ફૂલહાર, શ્રીફળ, પ્રસાદ લઈને દર્શને આવે છે

પ્રેમીલાબેન પંચાલ સમતા વિકાસ ચેરીટેબલ ટ્રસ્ટ દ્વારા શિક્ષણની પ્રોત્સાહન આપવાના હેતુસર શ્રી રાધાકૃષ્ણ વિદ્યામંદિર સાતરડા તાલુકો માલપુર ના હોશિયાર અને જરૂરિયાતમંદ વિદ્યાર્થીઓને પ્રત્યેક વિદ્યાર્થી દીઠ 5000 ની શિષ્યવૃત્તિ અર્પણ કરવામાં આવેલ આ શુભ પ્રસંગે પ્રશ્ન ચેરમેન જીતુભાઈ શાહ મંત્રી કનુભાઈ શાહ ના માર્ગદર્શક હેઠળ ટ્રસ્ટ ગીરીશભાઈ દરજી ટ્રસ્ટના કાર્યકર અમરીશભાઈ પંડ્યા શાળાના આચાર્ય હસમુખભાઈ પટેલ ક્લાર્ક શ્રી સમીરભાઈ જયસ્વાલ તેમજ શાળાનું સ્ટાફ અને વિદ્યાર્થીઓ ઉપસ્થિત રહ્યા હતા.

સ્વસ્થ જીવનશૈલીને પ્રોત્સાહન આપવા માટે પોષણ અને વજન વ્યવસ્થાપન અંગે જાગૃતિ અભિયાન શરૂ કરવામાં આવ્યું છે. આ અભિયાન હેઠળ લોકોને યોગ્ય પોષણ, સ્વસ્થ વજન જાળવવા અને દૈનિક જીવનમાં આરોગ્યપ્રદ આહાર અપનાવવા અંગે માર્ગદર્શન આપવામાં આવી રહ્યું છે. આ અભિયાનમાં એનર્જી અને ફિટનેસ, બાળકોનું પોષણ, ત્વચા પોષણ, રોગપ્રતિકારક શક્તિમાં વધારો, હૃદય અને પાચન આરોગ્ય, મગજનું પોષણ તેમજ પુરુષો અને મહિલાઓ માટે વિશેષ પોષણ યોજના જેવી સેવાઓ ઉપલબ્ધ કરાવવામાં આવી રહી છે. આ ઉપરાંત લોકોને ફ્રી બોડી ફેટ એનાલિસિસ ચેકઅપની સુવિધા પણ આપવામાં આવી રહી છે, જેથી તેઓ પોતાના સ્વાસ્થ્ય અંગે વધુ સારી માહિતી મેળવી યોગ્ય માર્ગદર્શન મેળવી શકે. આયોજકોએ વધુમાં જણાવ્યું હતું કે, સ્વસ્થ જીવનશૈલી અપનાવી યોગ્ય પોષણ અને નિયમિત કસરત દ્વારા અનેક આરોગ્ય સમસ્યાઓથી બચી શકાય છે. લોકો આ અભિયાનનો લાભ લઈ પોતાના સ્વાસ્થ્ય પ્રત્યે વધુ જાગૃત બને તેવી અપીલ કરવામાં આવી છે.

થરાદ તાલુકાના મીની રણુજા તરીકે ઓળખાતા રાજકોટ ગામે આવેલું શ્રી રામદેવ પીરનું પ્રાચીન અને ઐતિહાસિક મંદિર આજે પણ હજારો ભક્તોની અડગ આસ્થાનું કેન્દ્ર છે. વર્ષો જૂના આ પવિત્ર ધામે દૂર-દૂરથી ભક્તો દર્શનાર્થે આવે છે. જે ભક્તો રાજસ્થાનના રણુજા ધામ સુધી પહોંચી શકતા નથી, તેઓ અહીં બાબા રામદેવ પીરના દર્શન કરી પોતાની માનતાઓ પૂર્ણ કરીને આધ્યાત્મિક શાંતિ અને ધન્યતાનો અનુભવ કરે છે. આ પવિત્ર ધામ ખાતે તા. ૧૫ અને ૧૬ જુલાઈ, ૨૦૨૬ દરમિયાન ધ્વજદંડ પ્રતિષ્ઠા મહોત્સવનું ભવ્ય આયોજન કરવામાં આવ્યું હતું. પ્રથમ દિવસે મંદિરના દેવ-તેમજ ધ્વજદંડનું પૂજન, શિખર સ્થાપન સહિતની વૈદિક વિધિઓ સંપન્ન થઈ હતી. સાંજના સમયે યોજાયેલી ભજન સંધ્યામાં પ્રસિદ્ધ ભજનિકો બાબુશા પઠાણ, સીવરામભાઈ ચૌધરી, સુરેખાબેન ચૌધરી તથા અમરાભાઈ નાઈ દ્વારા ભક્તિભર્યા ભજનો અને સાહિત્યની રમઝટ બોલાવવામાં આવી હતી. કલાકારોએ બાબા રામદેવ પીરના મહિમાનું ગાન કરીને સમગ્ર વાતાવરણને ભક્તિમય બનાવી દીધું હતું, જેમાં મોટી સંખ્યામાં ભક્તજનો ભાવવિભોર બન્યા હતા. મહોત્સવના બીજા દિવસે શુભ મુહૂર્તમાં વૈદિક મંત્રોચ્ચાર વચ્ચે ધ્વજારોહણ વિધિ સંપન્ન કરવામાં આવી હતી. ત્યારબાદ મહાપ્રસાદ નું આયોજન કરવામાં આવ્યું હતું, જેમાં મોટી સંખ્યામાં ભક્તોએ પ્રસાદનો લાભ લીધો હતો. આ સમગ્ર ધાર્મિક મહોત્સવ મંદિરના પૂજારી શ્રી કરસનનાથજી મધેનાથ ગૌસ્વામી, શ્રી હકમાજી અણદાજી ચૌહાણ પરિવાર, શ્રી જય અંબે મિત્ર મંડળ, શ્રી રામદેવ મંદિર મંડળ તથા સમસ્ત ગ્રામજનોના સહયોગથી સફળતાપૂર્વક સંપન્ન થયો હતો. કાર્યક્રમના અંતે આયોજકોએ ઉપસ્થિત તમામ દાતાશ્રીઓ, સેવાભાવી કાર્યકરો, કલાકારો અને ભક્તજનોનો આભાર વ્યક્ત કર્યો હતો.

⭐ રોટરી ક્લબ અમદાવાદ સર્વમ દ્વારા અરવલ્લી જિલ્લાના શૈક્ષણિક વિસ્તારની શાળાઓમાં શિક્ષણને પ્રોત્સાહન આપવા માટે કુલ૩૫૦૦ ચોપડાઓનું વિતરણ કરવામાં આવ્યું. ચોપડા વિતરણ થયેલ શાળાઓ: 1. શ્રી આર. એમ. પટેલ વિદ્યાલય, પાલ્લા – ૧૮૦૦ ચોપડા 2. સિસોદરા ઉચ્ચતર માધ્યમિક શાળા, – 1,200 ચોપડા 3. સુરપુર પાદર પ્રાથમિક શાળા તથા ગામના બાળકો – 170 ચોપડા 4. શ્રી મહાત્મા ગાંધી ઉ. બુ. વિદ્યાલય, શણગાલ – 330 ચોપડા કુલ વિતરણ: 3,500 ચોપડા આ સેવાકાર્યમાં દાતાશ્રીઓનો અમૂલ્ય સહયોગ: કંચન ફાઉન્ડેશનના ટ્રસ્ટી રોટેરિયન રાજેશ શાહ અને શ્રીમતી સ્મિતા શાહ દ્વારા 2,500 ચોપડાઓનું દાન. રોટેરિયન મેઘના શાહના શ્રી કૈલાશચંદ્ર પુરોહિત અને શ્રીમતી સુશીલાબેન પુરોહિત ફાઉન્ડેશન દ્વારા 768 ચોપડાઓનું દાન. બાકીના 232 ચોપડાઓ તથા ₹5,000 પરિવહન ખર્ચનો સહયોગ રોટેરિયન ડૉ. ગીતિકા સલુજા, PhD દ્વારા આપવામાં આવ્યો. ઉપરાંત રોટરી ક્લબ અમદાવાદ સર્વમ તથા રોટેરિયન ડૉ. ગીતિકા સલુજાના સહયોગથી 50 સ્કૂલ બેગનું પણ વિતરણ કરવામાં આવ્યું. રોટરી ક્લબ અમદાવાદ સર્વમ તમામ દાતાશ્રીઓ, સહયોગીઓ અને સેવાભાવી મિત્રો રો. રાજેશભાઈ શાહ, સ્મિતાબેન શાહ, મેઘનાબેન શાહ તેમજ રો. ભીખભાઈ પંચાલ નો હૃદયપૂર્વક આભાર વ્યક્ત કરે છે. તેમના સહયોગથી શૈક્ષણિક રીતે પછાત વિસ્તારના વિદ્યાર્થીઓને શિક્ષણ માટે જરૂરી શૈક્ષણિક સામગ્રી ઉપલબ્ધ થઈ છે અને તેમના ઉજ્જવળ ભવિષ્ય તરફ એક મહત્વપૂર્ણ પગલું ભરવામાં આવ્યું છે.