છોટાઉદેપુર નગરપાલિકા વિસ્તારમાં જેલ રોડ પર આવેલ જાહેર શૌચાલયને તાળા મારી બંધ રાખવામાં આવ્યું છે, જેના કારણે બહારથી આવતા લોકોને મુશ્કેલીનો સામનો કરવો પડી રહ્યો છે.

મયુર મોકાશી: વલસાડના કલેક્ટર શ્રી નીતિન સંગવાને જિલ્લાની સરકારી કચેરીઓમાં સરપ્રાઈઝ ચેકિંગ અને આકસ્મિક તપાસનો ધમધમાટ શરૂ કર્યો છે. આ અભિયાનના ભાગરૂપે કલેક્ટર દ્વારા જ્યારે જિલ્લા સેવા સદન-૩ ખાતે આવેલી 'મદદનીશ ભૂસ્તરશાસ્ત્રીની કચેરી' ની તપાસ કરવામાં આવી, ત્યારે ત્યાં ચાલી રહેલી ગંભીર ગેરરીતિ સામે આવતા કર્મચારીઓમાં ભારે ફફડાટ વ્યાપી ગયો છે.ગેરરીતિનો પર્દાફાશતપાસ દરમિયાન કલેક્ટરના ધ્યાને આવ્યું હતું કે, કચેરીમાં જે ઓપરેટરો કામ કરી રહ્યા હતા, તેઓ ગેરહાજર રહેલા અન્ય અધિકારીઓના લોગ-ઈન આઈડીનો ઉપયોગ કરીને સરકારી કામકાજ કરી રહ્યા હતા. સરકારી ‘ઈ-સરકાર’ ફાઈલ મેનેજમેન્ટ સિસ્ટમમાં અનધિકૃત રીતે બીજાના નામે લોગ-ઈન કરવું એ ગંભીર શિસ્તભંગની બાબત ગણાય છે.કલેક્ટરની સ્પષ્ટતા અને કાર્યવાહીઘટનાને પગલે કલેક્ટરે સ્થળ પર જ તપાસના આદેશો આપ્યા છે. કલેક્ટર શ્રી નીતિન સંગવાને જણાવ્યું હતું કે, “ઈ-સરકાર એક મહત્વપૂર્ણ સિસ્ટમ છે અને તેમાં બીજાની પાસે લોગ-ઈન હોવું એ ઘણી ગંભીર બાબત છે.” વધુમાં, તેમણે સોશિયલ મીડિયા પર ચાલી રહેલી અફવાઓનું ખંડન કરતા સ્પષ્ટ કર્યું હતું કે, “કોઈ પણ સરકારી કાગળિયા કે દસ્તાવેજનું નુકસાન થયું નથી, આવી માહિતી પાયાવિહોણી છે.”કલેક્ટરે વધુમાં ઉમેર્યું હતું કે, જ્યાં સુધી આ મામલે સંપૂર્ણ તપાસ પૂર્ણ ન થાય અને ઉપલા અધિકારીઓ દ્વારા સંતોષકારક ખુલાસો ન મળે, ત્યાં સુધી સાવચેતીના ભાગરૂપે આ વિભાગમાં પ્રતિબંધાત્મક પગલાં લેવામાં આવ્યા છે. વહીવટી તંત્રમાં શિસ્ત અને પારદર્શિતા લાવવા માટે કલેક્ટરના આ આક્રમક વલણને લઈને અન્ય કચેરીઓમાં પણ હડકંપ મચી ગયો છે.

ડાંગ જિલ્લાના દીપ દર્શન માધ્યમિક શાળા ખાતે વેદ્રુના સંઘની સ્થાપનાના ૨૦૦ વર્ષ પૂર્ણ થવાના અવસરે ભવ્ય સાંસ્કૃતિક કાર્યક્રમનું આયોજન કરવામાં આવ્યું હતું. આ પ્રસંગે ડાંગ જિલ્લા પંચાયતના પ્રમુખ શ્રી રાજેશભાઈ ગામીત મુખ્ય મહેમાન તરીકે ઉપસ્થિત રહ્યા હતા.શ્રી રાજેશભાઈ ગામીતે સંસ્થાની લાંબા સમયથી ચાલી આવતી શિક્ષણ અને માનવસેવાની પ્રવૃત્તિઓની પ્રશંસા કરતાં જણાવ્યું હતું કે, અંતરિયાળ આદિવાસી વિસ્તારોના બાળકોને ગુણવત્તાયુક્ત શિક્ષણ, સંસ્કાર અને શિસ્ત સાથે આગળ વધારવાનું કાર્ય દીપ દર્શન શાળા દ્વારા પ્રશંસનીય રીતે કરવામાં આવી રહ્યું છે.તેમણે વધુમાં જણાવ્યું કે, છેલ્લા ૫૦ વર્ષથી ડાંગ જિલ્લામાં શિક્ષણ ક્ષેત્રે સેવારત આ સંસ્થાએ આદિવાસી વિસ્તારના વિદ્યાર્થીઓના સર્વાંગી વિકાસમાં મહત્વપૂર્ણ યોગદાન આપ્યું છે. વર્ષ ૨૦૨૫-૨૬માં ધોરણ ૧૦ અને ૧૨નું ૧૦૦ ટકા બોર્ડ પરિણામ મેળવી સંસ્થાએ સમગ્ર જિલ્લાનું ગૌરવ વધાર્યું છે.કાર્યક્રમ દરમિયાન વિદ્યાર્થીઓ દ્વારા વિવિધ રંગારંગ સાંસ્કૃતિક કાર્યક્રમો, નૃત્ય અને સંદેશાત્મક પ્રસ્તુતિઓ રજૂ કરી સંસ્થાની ૨૦૦ વર્ષની સેવા અને સંસ્કાર યાત્રાને ભાવપૂર્વક ઉજવવામાં આવી હતી.

સુરત જિલ્લાના પલસાણા તાલુકાના જોળવા ગામ સ્થિત આરાધના ડ્રીમ સોસાયટીમાં પારિવારિક ઝઘડો હત્યામાં પરિણમ્યો હોવાની ચોંકાવનારી ઘટના સામે આવી છે. બાથરૂમમાં પાણી નાખવાની સામાન્ય બાબતે થયેલી બોલાચાલી દરમિયાન પુત્રે પોતાના પિતા પર લોખંડના સળીયાથી જીવલેણ હુમલો કરતાં તેમનું મોત નીપજ્યું હતું. બનાવ અંગે પલસાણા પોલીસે હત્યાનો ગુનો નોંધી આરોપી પુત્ર સામે કાયદેસરની કાર્યવાહી હાથ ધરી છે. પોલીસ ફરિયાદ મુજબ, 12 જુલાઈ, 2026ના રોજ બપોરે અંદાજે 1:30 વાગ્યે જોળવા ગામની આરાધના ડ્રીમ સોસાયટીના વિભાગ-1માં રહેતા સુખલાલ ઓમકાર લામોળે (ઉ.વ. 60) અને તેમના પુત્ર જીતુભાઈ સુખલાલ લામોળે વચ્ચે બાથરૂમમાં પાણી નાખવાની બાબતે ઉગ્ર બોલાચાલી થઈ હતી. ઝઘડો વધતા આરોપીએ ફરિયાદીના ઘરના રસોડામાંથી બાંધકામમાં વપરાતો લોખંડનો સળીયો લાવી પોતાના પિતાના ડાબા કાન પાછળ ગરદનના ભાગે જોરદાર ઘા ઝીંક્યો હતો. ગંભીર ઈજા થતાં સુખલાલ લામોળેનું મોત નીપજ્યું હતું. બનાવ બાદ આરોપી સ્થળ પરથી ફરાર થઈ ગયો હતો. મૃતકની પત્ની આશાબેન સુખલાલ લામોળેની તારીખ 13 જુલાઈ 2016 ના રોજ સાંજે પોળા સાત વાગ્યે નોંધાવેલી ફરિયાદના આધારે પલસાણા પોલીસ સ્ટેશનમાં FIR નં. 11214-4626-1347/2026 હેઠળ ભારતીય ન્યાય સંહિતા (BNS-2023)ની કલમ 103(1), 352 તેમજ ગુજરાત પોલીસ અધિનિયમની કલમ 135 મુજબ ગુનો નોંધવામાં આવ્યો છે. સમગ્ર બનાવની તપાસ પલસાણા પોલીસ સ્ટેશનના પોલીસ ઇન્સ્પેક્ટર બી.ડી. ઝીલરિયા ચલાવી રહ્યા છે. જ્યારે ઘટનાસ્થળની મુલાકાત બારડોલી વિભાગના વિભાગીય પોલીસ અધિકારી એચ. એલ. રાઠોડ દ્વારા લેવામાં આવી હતી.

અષાઢી એકમ ના પાવન પર્વે આજે તા.૧૫ જુલાઇ એ આણંદ જિલ્લાના બોરસદ શહેરમાં ભગવાન જગન્નાથ, ભાઈ બલભદ્ર અને બહેન સુભદ્રાજીની ભવ્ય રથયાત્રા પરંપરાગત શ્રદ્ધા અને ઉલ્લાસભર્યા માહોલમાં પ્રસ્થાન થઈ ચૂકી છે. વર્ષમાં માત્ર એક જ વાર નગરચર્યાએ નીકળતા કાળિયા ઠાકોરના દર્શન કરવા માટે વહેલી સવારથી જ બોરસદના માર્ગો પર ભક્તોનું ઘોડાપૂર ઉમટી પડ્યું છે.ભક્તિમય માહોલ અને વિશેષ પૂજન રથયાત્રાના પ્રારંભ પૂર્વે વહેલી સવારે જ્ઞાનદેવ મંદિરમાં ભગવાનની મંગળા આરતી અને વિશેષ પૂજન-અર્ચન કરવામાં આવ્યું હતું. પ્રભુને અખાજી અને મગ-જાંબુનો પરંપરાગત ભોગ ધરાવાયો હતો. ત્યારબાદ ભગવાન જગન્નાથ, ભાઈ બલભદ્ર અને બહેન સુભદ્રાજીને ભવ્ય શણગારેલા રથમાં બિરાજમાન કરવામાં આવ્યા હતા. સ્થાનિક અગ્રણીઓ અને ભક્તો દ્વારા સોનાની સાવરણીથી રથની આગળ માર્ગ સાફ કરવાની 'પહિંદ વિધિ' સંપન્ન થયા બાદ રથયાત્રા નગરચર્યા માટે આગળ વધી હતી.રથયાત્રામાં પરંપરાગત યુવકો અને મહિલાઓ દ્વારા નૃત્ય અને કલા પ્રદર્શન કરવામાં આવ્યા.રથયાત્રામાં બોરસદ વિધાનસભાના ધારાસભ્ય અને ગુજરાત સરકારમાં કેબિનેટ મંત્રી રમણભાઈ સોલંકી અને નગરપાલિકાના સભ્યો હર્ષોઉલ્લાસ થી જોડાયા હતા.ભજન મંડળીઓ અને ઢોલ-નગારાના તાલે સમગ્ર બોરસદ પંથક હરિનામ નાદથી ગુંજી ઉઠ્યો છે.માર્ગમાં ઠેર-ઠેર ભક્તો દ્વારા ભગવાનના રથનું સ્વાગત કરી મગ, જાંબુ અને બુંદીના પ્રસાદનું વિતરણ કરવામાં આવી રહ્યું છે.નગરના સંવેદનશીલ અને મુખ્ય માર્ગો પર કોઈ અનિચ્છનીય ઘટના ન બને તે માટે બોરસદ પોલીસ દ્વારા ચુસ્ત બંદોબસ્ત ગોઠવી દેવામાં આવ્યો છે. સમગ્ર નગરમાં 'જય જગન્નાથ' ના નારા સાથે ભક્તિનો અનોખો ત્રિવેણી સંગમ જોવા મળી રહ્યો છે.

આહવા : તા. ૧૫: "ધ કાર્મેલાઈટ સિસ્ટર્સ ઓફ ચેરિટી ટ્રસ્ટ" સંચાલિત દીપ દર્શન માધ્યમિક શાળા અને વેદ્રુના સંઘની સ્થાપનાના ૨૦૦ વર્ષ પૂર્ણ થવાના ઐતિહાસિક અવસર નિમિત્તે ડાંગ જિલ્લા પંચાયત પ્રમુખ શ્રી રાજેશભાઇ ગામીત ની વિશેષ ઉપસ્થિતિમાં શાળામાં, સાંસ્કૃતિક કાર્યક્રમનું આયોજન કરી આ ઉજવણી કરવામાં આવી હતી. આ પ્રસંગે ઉપસ્થિત મુખ્ય મહેમાન અને ડાંગ જિલ્લા પંચાયતના પ્રમુખશ્રી રાજેશભાઈ ગામીતે સંસ્થાની પ્રશંસનીય સેવાઓને બિરદાવી હતી. તેમણે જણાવ્યું હતું કે, અંતરિયાળ વિસ્તારના બાળકોને ગુણવત્તાયુક્ત શિક્ષણ આપી દેશના મુખ્ય પ્રવાહમાં જોડવાનું ભગીરથ કાર્ય આ સંસ્થા કરી રહી છે. ગત વર્ષે આ શાળા રાજ્ય કક્ષાએ પ્રથમ આવી હતી. તેમજ અહીના વિદ્યાર્થીઓને શિક્ષણ સાથે સંસ્કાર અને શિસ્તનું શિક્ષણ આપવામાં આવે છે તેમ જણાવ્યું હતું. આ વેદ્રુના સંઘની શરૂઆત ૨૦૦ વર્ષ પહેલાં, ઈ.સ. ૧૮૨૬ માં સ્પેન દેશમાં સેન્ટ જોકિના દે વેદ્રુના નામના એક અસાધારણ મહિલા અને સિસ્ટરે અન્ય નવ સિસ્ટરો સાથે મળીને કરી હતી. આજે વિશ્વના ૪ ખંડોમાં આ સંસ્થાના સિસ્ટરો શિક્ષણ, આરોગ્ય અને સામાજિક ક્ષેત્રે ખૂબ જ મહત્વપૂર્ણ અને પ્રશંસનીય કામગીરી કરી રહ્યા છે. ડાંગ જિલ્લાના આદિવાસી વિસ્તારોમાં છેલ્લા ૫૦ વર્ષથી વેદ્રુના સંસ્થા દ્વારા સંચાલિત દીપ દર્શન શાળાના સિસ્ટરો અને શિક્ષકો શિક્ષણ ક્ષેત્રે અનન્ય યોગદાન આપી રહ્યા છે. આ સમર્પિત સેનાના પરિણામે જ શૈક્ષણિક વર્ષ ૨૦૨૫-૨૬ માં શાળાનું ધોરણ-૧૦ અને ધોરણ-૧૨ નું બોર્ડનું પરિણામ ૧૦૦% રહ્યું છે, જે સમગ્ર જિલ્લા માટે ગૌરવની બાબત છે. સંસ્થાની આ ૨૦૦ વર્ષની લાંબી અને સફળ સેવાના ઇતિહાસને સુવર્ણ અક્ષરે અંકિત કરવાના ભાગરૂપે શાળાના બાળકોએ મનમોહક સાંસ્કૃતિક પ્રસ્તુતિઓ રજૂ કરી હતી. આ પ્રસંગે સુબીર નવ જ્યોત ટ્રસ્ટના પ્રમુખ ફાધર અશોક વાઘેલા, જિલ્લા શિક્ષણાધિકારીની કચેરી આહવાના ઇ.આઈ. શ્રી રોહનભાઈ ટંડેલ, આહવા પ્રાથમિક શિક્ષણ અધિકારી શ્રી કલ્પેશભાઈ ચૌધરી, દીપ દર્શન સંસ્થાનના મેનેજર સિસ્ટર નાઈટિંગલ તેમજ વાલી પ્રતિનિધિ શ્રી અનિલભાઈ વાઘ અને મોટી સંખ્યામાં વાલીઓ તેમજ વિદ્યાર્થીઓ ઉપસ્થિત રહ્યાં હતાં. આ કાર્યક્રમને સફળ બનાવવામાં દીપ દર્શન માધ્યમિક શાળાના આચાર્ય સિસ્ટર સુહાસિની પરમાર, પ્રાથમિક વિભાગના આચાર્ય સિસ્ટર સ્મિતા અને અંગ્રેજી માધ્યમના આચાર્ય સિસ્ટર મનિષાના નેતૃત્વ અને માર્ગદર્શન હેઠળ શાળાના સ્ટાફ મિત્રોએ ભારે જહેમત ઉઠાવી હતી.