અમદાવાદમાં મામા સાથે ફરવા આવેલા ૧૨ વર્ષના કિશોરનું રહસ્યમય અપહરણ, પોલીસ એલર્ટ

ચીખલી તાલુકામાં આવેલ પ્રખ્યાત બગલાદેવ બાપ્પાની સ્થાપિત મૂર્તિનું છેલ્લા બે વર્ષથી એક અલગ જ અને અનોખી રીતે વિસર્જન કરવામાં આવે છે. ભક્તિ, શ્રદ્ધા અને પરંપરાના અનોખા સંગમ સાથે કરવામાં આવતું આ વિસર્જન લોકોમાં ખાસ આકર્ષણનું કેન્દ્ર બન્યું છે. બાપ્પાની વિદાય સમયે મોટી સંખ્યામાં ભક્તો ઉપસ્થિત રહી શ્રદ્ધાપૂર્વક દર્શન કરી વિસર્જનમાં જોડાયા હતાં. આ અનોખી વિસર્જન પરંપરા ચીખલી તાલુકામાં વિશેષ ચર્ચાનો વિષય બની છે.

માનનીય ગુજરાત રાજ્ય મુખ્યમંત્રી સાહેબ આપના વિસિઈ પરીવાર છેલ્લા સાત વર્ષ થી સતત રજૂવાત તેમજ અધિકારી તેમજ રાજકિય આગેવાન રજૂવાત પદ અધિકારીઓ સરપંચ ની તમામ રજૂઆત છે કે સતત સતર વર્ષ થી સરકાર શ્રી ના દરેક વિભાગ જેવા કે પંચાયત ના તમામ કામ તેમજ રેવેન્ય તલાટીના કામ ગ્રામ સેવક ના કામ જેવા કે ખેડુત ના આઈ ખેડૂત પોર્ટલ ની અરજી તેમજ સરકારશ્રી ના કોઈપણ સ્કીમ ને નાના મા નાના અરજદાર સૂધી પોહચાડી તેમને યોગય માર્ગદર્શન પૂરૂ પાડે તેવા કર્મયોગીઓ આજે માત્ર ને માત્ર કમિશન પર આધારિત છે પરંતૂ છેલ્લા બે વર્ષ થી કોઈ કમિશન ન આવતા હાલ તેમની સ્થિતિ કફોડી બની છે ગૂજરાત રાજય વિસિઈ યૂનિયન પ્રમુખ હિતેશભાઈ દ્રારા પંચાયતમંત્રી તેમજ કાયદામંત્રી તેમજ કૃષિમંત્રી તેમજ મુખ્યમંત્રી સાહેબ ને રજૂવાત કરેલ છે હાલ અમારે કોઈ આવા નજીવા કમિશન પર નિર્ભય નથી તેવૂ તેવો ની છેલ્લા સાત વર્ષ થી માનદ વેતન માટે માગણી કરેલ છે તેમા અગાઉ પંચાયતમંત્રી દ્રારા અગાવ બાંહેધરી પણ આપેલ છે તો હાલ આ નરેન્દ્રભાઈ મોદી ના સપના નો સૂરજ હાલ આર્થિક મુશ્કેલીઓ મા છે તો અગામી સમય સર વિસિઈ ને યોગ્ય માનદ વેતન મળે તેવી અરજી પણ મુખ્યમંત્રી સૂધી પોહચેલ તેમજ યોગ્ય નિર્ણય કરી તાત્કાલિક વિસિઈ યૂનિયન ને યોગય ન્યાય મળે તેવિ આસા 14હજાર પરીવાર રાખી રહીયા છે જો પંદર દિવસ મા જો આ નિર્ણય નહી આવે તો દરેક ગ્રામ પંચાયત તેમજ જીલ્લા તેમજ તાલૂકા સ્વાગત પોર્ટલ પર અરજી કરી ને તમામ પરીવાર પડતી મૂસ્કેલી ના પત્ર નરેન્દ્રભાઈ મોદી ને સામૂહિક પત્ર લખી ને નરેન્દ્રભાઈ મોદી સાહેબ પાસે ટૂક સમય મા માગણીઓ કરેશે તેવૂ ગૂજરાત રાજય વિસિઈ યૂનિયન પ્રમુખ હિતેશભાઈ ઝાલાવાડિયા એ જણાવ્યૂ હતૂ

આર.એમ.પી.એસ. ફ્લાઈંગ કિડ્સ પ્રી-સ્કૂલની દિવા રોડ, અંદાડા અને જીઆઈડીસી – ત્રણેય શાખાના પ્રી-પ્રાયમરી બાળકો માટે રવિરત્ન કાર શોરૂમની શૈક્ષણિક મુલાકાતનું આયોજન કરવામાં આવ્યું હતું. પ્રી-સ્કૂલના બાળકોને “Means of Transport” વિષયને પ્રત્યક્ષ અનુભવ સાથે સમજાવવા તેમજ તેમને વિવિધ પ્રકારના વાહનો, કારના ભાગો, વાહન ચલાવવાની પ્રક્રિયા અને માર્ગ સલામતી અંગે પ્રાથમિક જાણકારી આપવા માટે આ મુલાકાત યોજાઈ હતી. નાની ઉંમરના બાળકો માટે વર્ગખંડની બહાર જઈને વાસ્તવિક જીવનમાં શીખવાનો આ અનુભવ આનંદદાયક અને જ્ઞાનવર્ધક રહ્યો હતો. મુલાકાત દરમિયાન બાળકોને કારના વિવિધ મોડલ તથા તેની વિશેષતાઓ વિશે સરળ ભાષામાં સમજાવવામાં આવ્યું હતું. બાળકોને વાહન વ્યવહાર સાથે જોડાયેલી મૂળભૂત બાબતો તેમજ ટ્રાફિક નિયમો અને રોડ સેફ્ટીનું મહત્વ પણ સમજાવવામાં આવ્યું. આ પ્રસંગે આર.એમ.પી.એસ. સાથે સંકળાયેલા ટ્રસ્ટી શ્રી મહાવીર જૈન તથા પ્રિન્સિપાલ શ્રીમતી અર્ચના નેગી પટેલની ઉપસ્થિતિ રહી હતી. તેમણે બાળકો સાથે સંવાદ કરી તેમની ઉત્સુકતા વધારી હતી અને શિક્ષણને પ્રત્યક્ષ અનુભવ સાથે જોડવાના આવા પ્રયાસોને પ્રોત્સાહન આપ્યું હતું. આ શૈક્ષણિક મુલાકાત દરમિયાન બાળકોએ ખૂબ જ ઉત્સાહ અને કુતૂહલ સાથે કાર શોરૂમની મુલાકાત લીધી હતી. ત્રણેય શાખાના બાળકો માટે યોજાયેલી આ પ્રવૃત્તિનો મુખ્ય ઉદ્દેશ “Learning by Experiencing” દ્વારા બાળકોના જ્ઞાન, અવલોકનશક્તિ અને આસપાસની દુનિયા પ્રત્યેની જિજ્ઞાસાને વિકસાવવાનો હતો. આ સમગ્ર મુલાકાત બાળકો માટે આનંદ, શીખવા અને નવા અનુભવોથી ભરપૂર રહી હતી.

ચંદ્રકાંત સચદે (નખત્રાણા) નખત્રાણાની અધિક ચીફ જયુડી મેજી સાહેબની કોર્ટ દ્વારા તા.૨૨/૯/૨૬ ના રોજ ફો.ક.નં.૧૯૭૫/૨૧માં ધાક બેસાડતો ચુકાદો આપવામાં આવ્યો હતો. આ કેસની ટુંકમાં હકીકત એવી છે કે ફરિયાદી મોતી ફાઈનાન્સના પ્રોપરાઈટર હિતેશકુમાર મોતીલાલ સચદે(ઠકકર) રહે.રસલીયા, તા.નખત્રાણા-કચ્છ.વાળાએ આ કામના આરોપી સંજયકુમાર કાનજીભાઈ રબારી મુળે રહે.કામલી, ઉજા-મહેસાણા. વાળાને રૂપિયા ૧,૦૦,૦૦૦/-ની જરૂરીયાત હોવાથી નાણા ધિરધારના નિયમ મુજબ ઉછીના આપેલા હતા. જે લેણા ચુકવવા આરોપીએ રૂપિયા ૧,૦૦,૦૦૦/- નો ચેક આપેલો હતો. જે ચેક ફંડ પુરતું નથી. તેવા શેરા સાથે ચેક પરત થયેલ હતો. જેથી ફરિયાદીએ આરોપી વિરૂધ્ધ નેગોશિયેબલ ઈન્સ્ટ્રુમેન્ટ એકટની કલમ ૧૩૮ હેઠળ આરોપી વિરૂધ્ધ ફરીયાદ દાખલ કરેલ હતી. જેમાં નખત્રાણાના અધિક ચીફ જયુડી. મેજી. સાહેબે ફરિયાદીના પક્ષમાં ચુકાદો આપી આ કામના આરોપીને ચેકના કેસમાં તકસીરવાન ઠરાવી ૬ (છ) માસની સાદી કેદ તેમજ રૂા. ૧,૦૦,૦૦૦/- દંડની રકમ ફરીયાદીને વળતર તરીકે ચુકવવા તેમજ વળતર ન ભરવાના કસુર માટે ૨ માસની સાદી કેદની સજા ફટકારી હતી. આ કેસમાં ફરિયાદીના વકીલ તરીકે વિધ્વાન વકીલ શ્રી જે.કે.ચીનારાણા,એ.એચ.ગુંસાઈ તથા રાજ જે.સચદે હાજર રહ્યા હતા. તા.૨૬/૯/૨૦૨૬ નખત્રાણા કચ્છ.

અમદાવાદ શહેરના ગોમતીપુર પોલીસ સ્ટેશનની સર્વેલન્સ સ્કોડ દ્વારા વિસ્તારમાં પેટ્રોલિંગ દરમિયાન મળેલી ગુપ્ત બાતમીના આધારે હાજી ગફારની ચાલીના નાકા પાસે જાહેરમાં સટ્ટો રમાડતા એક શખ્સને ઝડપી પાડવામાં સફળતા મળી છે. પોલીસ કોન્સ્ટેબલ હર્ષદભાઈ ભીખાભાઈની સત્તાવાર ફરિયાદ અનુસાર, ૨૬ સપ્ટેમ્બર ૨૦૨૬ના રોજ સર્વેલન્સ સ્ટાફના માણસો પેટ્રોલિંગમાં હતા ત્યારે બાતમી મળી હતી કે અગાઉ પણ સટ્ટાના ગુનાઓમાં પકડાઈ ચૂકેલો હાદીમીયા હનીફઉદીન શેખ (ઉંમર વર્ષ ૩૧, રહે. તલાવડીના છાપરા, રામોલ) પોતાના આર્થિક ફાયદા માટે ગોમતીપુર વિસ્તારમાં બોમ્બે વર્લી મટકાનો આંક ફરકનો જુગાર રમી રમાડી રહ્યો છે. આ સચોટ માહિતીના આધારે પોલીસે સ્થાનિક પંચોને સાથે રાખીને વાહનોની આડમાંથી વોચ ગોઠવી હતી અને સટ્ટાના આંકડા લખતી વખતે જ આરોપીને કોર્ડન કરીને ઘટનાસ્થળેથી રંગેહાથ દબોચી લીધો હતો. પકડાયેલા આરોપીની અંગઝડતી લેતા તેના હાથમાંથી બોમ્બે વર્લી મટકાના આંકડા લખેલી ૪ નંગ સટ્ટા સ્લીપ, એક બોલપેન તેમજ જુગારના કલેક્શનના અલગ-અલગ દરની ચલણી નોટો સહિત કુલ રૂપિયા ૪૫૦/- ની રોકડ રકમ મળી આવી હતી, જેને પોલીસે પંચોની હાજરીમાં કબ્જે કરી લીધી છે. આ મામલે ગોમતીપુર પોલીસે પકડાયેલા રીઢા જુગારી વિરૂદ્ધ જુગાર ધારાની કલમ ૧૨ (અ) હેઠળ ગુનો નોંધીને હેડ કોન્સ્ટેબલ રજનીકાંત ડાહ્યાભાઈને કેસની આગળની કાયદેસરની તપાસ સોંપી છે.