સાગબારા તાલુકાના સેલંબા ગામે યુવકના શંકાસ્પદ મૃત્યુ

માતર, તા. 16 જુલાઈ: ખેડા જિલ્લાના માતર તાલુકાના ભલાડા ગામની હરિપુરા પ્રાથમિક શાળામાં ટ્રેસ્ના ફાઉન્ડેશન અને પ્રુડેન્ટ કોર્પોરેટ એડવાઈઝરી સર્વિસીસ લિ.ના CSR સહયોગથી મહિલાઓના આરોગ્યને કેન્દ્રમાં રાખી નિઃશુલ્ક સ્ત્રીરોગ નિદાન કેમ્પનું સફળ આયોજન કરવામાં આવ્યું હતું. ગ્રામ્ય વિસ્તારની મહિલાઓને તેમના ઘરઆંગણે ગુણવત્તાસભર આરોગ્ય સેવા મળી રહે તે હેતુથી યોજાયેલા આ કેમ્પમાં નડિયાદના નિષ્ણાત સ્ત્રીરોગ તબીબ ડૉ. કૃપલબેન પંચાલ દ્વારા મહિલાઓ તેમજ વિદ્યાર્થિનીઓની નિઃશુલ્ક આરોગ્ય તપાસ કરવામાં આવી હતી. દરેક બહેનની વ્યક્તિગત તપાસ કરીને તેમની સમસ્યાને અનુરૂપ જરૂરી માર્ગદર્શન, સારવાર અંગે સલાહ તથા નિઃશુલ્ક દવાઓનું વિતરણ કરવામાં આવ્યું હતું. કેમ્પ દરમિયાન વિદ્યાર્થીનીઓ અને મહિલાઓ માટે માસિક ધર્મ અંગેની સ્વચ્છતા, ગર્ભાશયના મુખના કેન્સરની વહેલી તકે તપાસનું મહત્વ, HPV રસીકરણ તેમજ આરોગ્ય અને પોષણ અંગે વિશેષ જાગૃતિ સત્રનું આયોજન કરવામાં આવ્યું હતું. ઉપસ્થિત બહેનોએ ખુલ્લા મનથી પ્રશ્નો પૂછી પોતાની શંકાઓનું નિરાકરણ મેળવ્યું હતું. આ પ્રસંગે ભલાડા પ્રાથમિક આરોગ્ય કેન્દ્ર (PHC)ના મેડિકલ ઓફિસર ડૉ. કુંદનબેન તથા તેમની સમગ્ર ટીમ, ગામના સરપંચ વનીતાબેન, હરિપુરા પ્રાથમિક શાળાના આચાર્યશ્રી, શિક્ષકગણ અને શાળા પરિવાર ઉપસ્થિત રહ્યા હતા. કાર્યક્રમને સફળ બનાવવા બદલ આયોજકો દ્વારા PHC ભલાડાની સમગ્ર ટીમનો હાર્દિક આભાર વ્યક્ત કરવામાં આવ્યો હતો. હરિપુરા ગામમાં વિવિધ આરોગ્યલક્ષી અને સામાજિક પહેલ દ્વારા ગામના સર્વાંગી વિકાસ માટે સતત પ્રયાસો થઈ રહ્યા છે. આયોજકોએ આશા વ્યક્ત કરી હતી કે આ કેમ્પથી મહિલાઓમાં આરોગ્ય પ્રત્યે જાગૃતિ વધશે અને સમયસર આરોગ્ય તપાસ કરાવવાની ભાવના વધુ મજબૂત બનશે. ગામજનો તરફથી કાર્યક્રમને સારો પ્રતિસાદ મળ્યો હતો અને ટ્રેસ્ના ફાઉન્ડેશન તથા પ્રુડેન્ટ કોર્પોરેટ એડવાઈઝરી સર્વિસીસ લિ.ના સેવાકીય પ્રયાસોની પ્રશંસા સાથે આભાર વ્યક્ત કરવામાં આવ્યો હતો.

કડીમાં અષાઢી બીજે પરંપરાગત ઉત્સાહ સાથે ૫૫મી ભગવાન જગન્નાથજીની રથયાત્રા સંપન્નકડીમાં અષાઢી બીજના પાવન અવસરે દેત્રોજ રોડ પર આવેલા નવા રામજી મંદિરથી ભગવાન જગન્નાથજીની ૫૫મી ભવ્ય રથયાત્રા વાજતે-ગાજતે નગરચર્યાએ નીકળી હતી.સવારે મંગળા આરતી અને શાસ્ત્રોક્ત પરંપરાગત વિધિઓ બાદ પ્રસ્થાન કરેલી આ રથયાત્રામાં ભક્તિનો માહોલ છવાઈ ગયો હતો. નગરજનોએ ભાવભેર ભગવાનના દર્શનનો લાભ લીધો હતો.રથયાત્રાના મુખ્ય આકર્ષણો:શોભાયાત્રા: પરંપરાગત રીતે શણગારેલા દિવ્ય રથ પર ભગવાન જગન્નાથ, બલરામજી અને સુભદ્રાજી બિરાજમાન થયા હતા.સાંસ્કૃતિક ઝાંખી: નિશાન ડંકા, ઘોડેસવારો, ઊંટલારી, બેન્ડવાજા અને ભજન મંડળીઓએ રથયાત્રામાં ભક્તિમય રંગ પૂર્યો હતો.કરતબો: અખાડાના સાધકો દ્વારા કરાયેલા દિલધડક કરતબો આકર્ષણનું કેન્દ્ર બન્યા હતા.ચુસ્ત બંદોબસ્ત: કડીમાં આયોજિત આ ભવ્ય રથયાત્રા શાંતિપૂર્ણ અને સુરક્ષિત રીતે સંપન્ન થાય તે માટે પોલીસ વિભાગ દ્વારા સઘન બંદોબસ્ત ગોઠવવામાં આવ્યો હતો.

આ સંમેલનમાં શાળાના શિક્ષકો, આચાર્ય અને મોટી સંખ્યામાં વાલીઓ ઉપસ્થિત રહ્યા હતા. બેઠકમાં બાળકોના શિક્ષણ, શાળાના વિકાસ અને સુવિધાઓ અંગે ચર્ચા કરવામાં આવી. *મુખ્ય નિર્ણય:* સ્કૂલના વિકાસ અને વહીવટ માટે *19 સભ્યોની SMC કમિટી*ની રચના કરવામાં આવી. SMC એટલે *School Management Committee* - શાળા વ્યવસ્થાપન સમિતિ. આ કમિટી શાળા અને ગામ વચ્ચે સેતુનું કામ કરશે. 19 લોકોની આ કમિટીમાં વાલીઓ, શિક્ષકો અને ગામના આગેવાનોનો સમાવેશ કરવામાં આવ્યો , જેથી બધાના સૂચનો લઈ શકાય.

જૂનાગઢ જિલ્લા પોલીસની સ્પેશિયલ ઓપરેશન ગ્રુપ (એસ.ઓ.જી.) દ્વારા નશીલા પદાર્થોના ગેરકાયદેસર વેપાર સામે વધુ એક કડક કાર્યવાહી હાથ ધરવામાં આવી છે. નાર્કોટિક ડ્રગ્સ એન્ડ સાયકોટ્રોપિક સબસ્ટન્સના ગેરકાયદેસર વ્યાપારની અટકાયત અંગેના PIT NDPS અધિનિયમ, 1988 હેઠળ ઈકબાલખાન અશરફખાન પઠાણને અટકાયતમાં લઈ પાલારા જેલ, ભુજ ખાતે હવાલે કરવામાં આવ્યો છે. જૂનાગઢ એસ.ઓ.જી.ના પોલીસ ઇન્સ્પેક્ટર કૃણાલ એમ. પટેલના માર્ગદર્શન હેઠળ જિલ્લામાં કેફી પદાર્થોના ગેરકાયદેસર વેચાણમાં સંડોવાયેલા તત્વો સામે સતત કડક કાર્યવાહી કરવામાં આવી રહી છે. સમાજને નશાના દૂષણથી મુક્ત રાખવા, યુવા પેઢીને વ્યસનના માર્ગે જતી અટકાવવા તેમજ લોકોની આર્થિક અને સામાજિક સુખાકારી જળવાઈ રહે તે હેતુસર અગાઉ એન.ડી.પી.એસ. કેસમાં ઝડપાયેલા આરોપી ઈકબાલખાન અશરફખાન પઠાણ વિરુદ્ધ PIT NDPS હેઠળ દરખાસ્ત તૈયાર કરી મોકલવામાં આવી હતી. દરખાસ્તના આધારે પોલીસ મહાનિર્દેશક, સી.આઈ.ડી. (ક્રાઈમ), ગુજરાત રાજ્ય દ્વારા PIT NDPS અધિનિયમની કલમ-3 હેઠળ આરોપીને અટકાયતમાં લેવાનો હુકમ કરવામાં આવ્યો હતો. હુકમ અનુસાર વોરંટની તામિલ કરી ઈકબાલખાન અશરફખાન પઠાણને કાયદેસરની કાર્યવાહી બાદ પાલારા જેલ, ભુજ ખાતે હવાલે કરવામાં આવ્યો છે. આરોપીની વિગતો: ઈકબાલખાન અશરફખાન પઠાણ (ઉંમર 40 વર્ષ), ધંધો – મજૂરી, રહેવાસી: જમાલવાડી, ખાડિયા, અશોકબાગ નર્સરી સામે, જૂનાગઢ. જૂનાગઢ જિલ્લા પોલીસ દ્વારા નશીલા પદાર્થોના ગેરકાયદેસર વેપાર સામે આગળ પણ કડક કાર્યવાહી યથાવત્ રાખવામાં આવશે અને આવા અસામાજિક તત્વો સામે કાયદેસર પગલાં લેવામાં આવશે.

???????? ભારત કો જાણો – જાણો ભારત, બનો ગૌરવશાળી ભારતીય! ???????????? ભારત વિકાસ પરિષદ મોડાસા શાખા દ્વારા આયોજિત 'ભારત કો જાણો' પરીક્ષાનું શ્રી જે. બી. શાહ ઇંગ્લિશ મિડિયમ સ્કૂલ, મોડાસા ખાતે સફળ આયોજન કરવામાં આવ્યું.વિદ્યાર્થીઓમાં દેશપ્રેમ, ભારતીય ઇતિહાસ, સંસ્કૃતિ અને રાષ્ટ્રીય ગૌરવની ભાવના વિકસે તે હેતુથી યોજાયેલી આ પરીક્ષામાં વિદ્યાર્થીઓએ ઉત્સાહભેર ભાગ લીધો.???? શાળાના પ્રિન્સિપાલ શ્રી દીપકભાઈ પટેલના માર્ગદર્શન હેઠળ રોહિત સર તથા સમગ્ર શિક્ષકગણના સહયોગથી પરીક્ષાનું સુંદર અને સુવ્યવસ્થિત આયોજન કરવામાં આવ્યું.આ પ્રસંગે ભારત વિકાસ પરિષદ મોડાસા શાખાના પ્રમુખશ્રી ગૌરાંગભાઈ સોની, ખજાનચી શ્રી નીરવભાઈ પટેલ, શ્રી નીરજભાઈ શેઠ, શ્રી પ્રજ્ઞેશભાઈ ગાંધી તથા અન્ય સભ્યો ઉપસ્થિત રહી વિદ્યાર્થીઓને પ્રોત્સાહિત કર્યા.???????? ભારત વિકાસ પરિષદ – સંપર્ક • સહયોગ • સંસ્કાર • સેવા • સમર્પણ