અરવલ્લી જિલ્લાના શામળાજી તાલુકામાં નવીન સરકારી પુસ્તકાલયનો શુભ આરંભ થયો

​લૂણાવાડાના ડિવાયએસપીના ભાઈના બંધ મકાનમાંથી રોકડા રૂપિયા , સોનું અને સિંગતેલ મળી રૂપિયા ૨.૪૨ લાખની ચોરી ​ ભરૂચ જિલ્લાના વાલિયા તાલુકાના મીરાપુર ગામે રહેતા અને ખેતીકામ કરતા કલ્પેશભાઈ બીજલભાઈ વસાવાના બંધ મકાનને નિશાન બનાવી અજાણ્યા તસ્કરો રૂપિયા ૨,૪૨,૯૨૦ની મત્તા ચોરી જતાં સનસનાટી મચી ગઈ છે. નોંધનીય છે કે ફરિયાદીના નાનાભાઈ કમલેશભાઈ વસાવા હાલ લૂણાવાડા ખાતે ડી.વાય.એસ.પી. તરીકે ફરજ બજાવે છે. ​રક્ષાબંધનના તહેવારે જ ઘર બંધ મળતાં તસ્કરોએ તક ઝડપી હતી. પોલીસ સૂત્રો પાસેથી મળતી વિગતો અનુસાર, ગત તારીખ ૨૮/૦૮/૨૦૨૬ ના રોજ રક્ષાબંધનનો તહેવાર હોવાથી ફરિયાદી કલ્પેશભાઈ તથા તેમના પત્ની સ્નેહલતાબેન અને બાળકો ઘરને તાળાં મારીને ફોઈના ઘરે ઝરણા ગામે તહેવાર ઉજવવા ગયા હતા. સાંજથી રાત્રિ દરમિયાન મકાન બંધ હતું ત્યારે તસ્કરો ધાબાનો દરવાજો ખોલીને અંદર પ્રવેશ્યા હતા. ​રાત્રે આશરે ૧૨ વાગ્યાના સુમારે પરિવાર પરત ફર્યો ત્યારે ઘરનો પાછળનો દરવાજો અંદરથી બંધ જણાયો હતો. પાછળના વાડામાંથી અંદર જઈ તપાસ કરતા ઘરનો સામાન વેરવિખેર હાલતમાં મળ્યો હતો. તપાસ કરતા ઘરમાં રાખેલ બાળકોની સ્કૂલ ફી ભરવા માટેના રોકડા રૂપિયા ૧,૯૦,૦૦૦, ​સોનાના દાગીના રૂપિયા ૪૦,૦૦૦, રસોડાના સ્ટોર રૂમમાંથી સિંગતેલના ૧-લીટરના ૩૬ પાઉચ (કિંમત રૂ. ૭,૯૨૦) તેમજ રૂપિયા ૫,૦૦૦ની કિંમતનો એક મોબાઇલ ચોરાયા હતા.આ ​અગાઉ પણ તેમના ઘરે ચોરી થઈ હોવાનો ઉલ્લેખ થયો હતો. ફરિયાદીએ નોંધાવેલી ફરિયાદમાં જણાવ્યું છે કે આ અગાઉ આશરે ચારેક મહિના પહેલાં પણ તેમના ઘરેથી રૂપિયા ૧૦,૦૦૦ની કિંમતનો મોબાઈલ અને રૂપિયા ૧૭,૦૦૦ની કિંમતની સબમર્સિબલ મોટરની ચોરી થઈ ચૂકી છે. ઘટનાની જાણ થતાં જ ફરિયાદીએ ૧૧૨ જનરક્ષક ટીમને જાણ કરી હતી. આ મામલે વાલિયા પોલીસ સ્ટેશનમાં અજાણ્યા ચોર ઈસમો વિરુદ્ધ ગુનો નોંધવામાં આવ્યો હતો.

આહવા ડાંગ જિલ્લાના મુખ્ય મથક આહવા ખાતે આવેલ ડૉ. આંબેડકર વનવાસી કલ્યાણ ટ્રસ્ટ (સેવાધામ) દ્વારા વિવિધ વ્યવસાયલક્ષી તાલીમ પૂર્ણ કરનાર ૧૭૬ ભાઈ-બહેનો માટે ભવ્ય પ્રમાણપત્ર વિતરણ કાર્યક્રમ યોજાયો હતો. સેવાધામ દ્વારા સ્થાનિક યુવાનો અને મહિલાઓ પગભર બની શકે તે હેતુથી સીવણ, કોમ્પ્યુટર, સુથારીકામ અને પ્લમ્બિંગ જેવા લાઈફ સ્કિલ તેમજ કૌશલ્યવર્ધક કોર્સનું સફળ આયોજન કરવામાં આવ્યું હતું. સફળતાપૂર્વક તાલીમ પૂર્ણ કરનાર તમામ તાલીમાર્થીઓને ટ્રસ્ટના પ્રમુખ શ્રી તુલસીભાઈ માવાણીના હસ્તે પ્રમાણપત્રો એનાયત કરાયા હતા, જેમાં કોમ્પ્યુટર કોર્સ પૂર્ણ કરનાર *પૂજા ઘિસારામ ચૌધરી* સહિતના ૧૭૬ યુવાનોનો સમાવેશ થાય છે. આ પ્રસંગે શ્રી તુલસીભાઈ માવાણીએ જણાવ્યું હતું કે, "વર્તમાન સમયમાં નવી પેઢી માત્ર શૈક્ષણિક જ્ઞાન પૂરતી સીમિત ન રહેતા વિવિધ કૌશલ્યો શીખીને આત્મનિર્ભર બને તે ખૂબ જ જરૂરી છે." તેમણે ઉમેર્યું કે આ તાલીમ દ્વારા યુવાનો રોજગાર અને સ્વરોજગારની નવી દિશા મેળવશે. પ્રમાણપત્રો મેળવ્યા બાદ તાલીમાર્થીઓમાં ભારે ઉત્સાહ અને ખુશીનો માહોલ જોવા મળ્યો હતો.

મહુધા વિધાનસભાના લોકપ્રિય ધારાસભ્યશ્રી તથા રાજ્યકક્ષાના મંત્રીશ્રી સંજયસિંહ મહિડા સાહેબને “Best MLA Award”થી સન્માનિત કરવામાં આવ્યા તે બદલ મહુધા તાલુકાના નાગરિકો એહાર્દિક અભિનંદન અને શુભકામનાઓ. પાઠવી જનસેવા પ્રત્યેની નિષ્ઠા, વિકાસ માટેનું સમર્પણ અને જનતા પ્રત્યેની જવાબદારીનું આ સન્માન એક ગૌરવપૂર્ણ સિદ્ધિ છે. જનતાનો વિશ્વાસ • વિકાસનો સંકલ્પ • સેવાનું સમર્પણ ???? Best MLA Award — સંજયસિંહ મહિડા સાહેબ આપની આ સિદ્ધિ મહુધા વિધાનસભા પરિવાર માટે ગૌરવની વાત

એન્કર....જૂનાગઢના ભેસાણ તાલુકાના ચુડા અને ઢોળવા ગામ વચ્ચેનો 33 ફૂટનો માર્ગ સર્વ સંમતિથી ખુલ્લો કરવામાં આવ્યો....... વીઓ........ જુનાગઢ ના ભેસાણ તાલુકા ના ચુડા અને ઢોળવા ગામ નો રસ્તો જે માર્ગ કેજે રાજાશાહી વખતનો હતો અને તેમાં રાજાશાહીમાં ભરભરેલા બે ગાડા સામ સામે નીકળી શકતા હતા તે ઉપરાંત જ્યારે જુનાગઢ ચુડા બસ વાયા ઢોળવા ચાલતી ત્યારે પણ આ જ રસ્તા નો ઉપયોગ કરવામાં આવતો હતો સમયની જતા ની સાથે ધીરે ધીરે બંને સાઈડમાં થી વાડો વગેરે વધતા આ મારગ સાવ સાંકડો થઈ ગયેલ હતો અને તેમાંથી ટ્રેક્ટર કે મોટરસાયકલ મળે તો તે એક સાથે નીકળી શકતા પણ નહોતા ગામ લોકોએ જે આ માર્ગ વાપરતા હતા તે ચુડાના તે રસ્તા ઉપર આવેલા ખાતેદાર ખેડૂતોએ સાથે મળીને એક મીટીંગ કરી તેમાં ચુડા ના રાજવી પરિવારના દરબાર ભરતસિંહ વાળા અને ગોદડ વાળા પણ હાજર રહેલ અને આ તમામ બાબત જિલ્લા કલેક્ટર ની સૂચના અને ભેસાણ મામલતદાર પારધી સાહેબ ની સમજાવટ અને પ્રેરણાથી અને આ કાર્ય માટે મનીષભાઈ કાળુંભાઈ ગોંડલીયા ચુડા ગામના સરપંચ ઉદયભાઇ ગોંડલીયા ગોવિંદભાઈ કોરાટ વલ્લભભાઈ ગજેરા કોમલ ભાઈ વગેરે બંને ગામના આગેવાનો હાજર રહ્યા હતા આ રસ્તા ઉપર આવતા તમામ ખેડૂત ખાતેદારોએ સર્વ સંમતિ અને સ્વખર્ચે અને એક પણ સરકારી પૈસાનો ખર્ચ કર્યા વગર આ રોડને 33 ફૂટ ખુલ્લો કરવામાં આવ્યો હતો તે ખરેખર આ એક પ્રેરણાદાયક કાર્ય કહેવાય સર્વ સંમતિથી અને નિર્વિવાદિત ઉકેલ આવે અને આ એક એવી ઘટના જુનાગઢ જિલ્લામાં કદાચ પહેલી વાર બની હશે વધુમાં વાત કરતા ચુડા સ્ટેટ દરબાર ભરતભાઈ વાળા એ જણાવ્યું હતું કે છેલ્લા દોઢબે વર્ષથી મુન્નાભાઈ ગોંડલીયા અને ચુડા ગામના ઉપસરપંચ ઉદયભાઇ ગોંડલીયા આ બાબતથી સતત મહેનત કરી રહ્યા હતા અને મારા હસ્તક્ષેપ કરવાથી લોકોએ મારી વાત ને મહત્વ આપ્યું અને આ એક સારું અને બધાને ઉપયોગી કાર્ય થઈ શક્યું છે હું સર્વ ગામ વાસીઓને ખૂબ ખૂબ અભિનંદન પાઠવું છુંઅને હજુ જો આવા કાર્ય સર્વ સંમતિથી થાય તો ખેડૂતોને ચોમાસાની અંદર અને મોસમના ટાઈમે જે હાલાકીઓ પડી રહી છે તે કાયમી માટે દૂર થઈ શકે અને સારા રોડ રસ્તા ના કારણે જમીનની વેલ્યુસણ પણ વધી શકેછે

પલસાણા તાલુકાના બલેશ્વર ગામની સીમમાં આવેલી શ્રીરાજલક્ષ્મી ડેનિમ લિમિટેડ મિલમાં અચાનક આગ લાગતા નાસભાગ મચી ગઈ હતી. મિલના લુમ્સ વિભાગમાં આગ લાગવાની ઘટના બનતા કર્મચારીઓમાં અફરાતફરીનો માહોલ સર્જાયો હતો. મળતી માહિતી મુજબ, બલેશ્વર ગામની સીમમાં કાલાઘોડા પ્લોટ B/8-2, B-9 અને B-14 ખાતે શ્રીરાજલક્ષ્મી ડેનિમ લિમિટેડ મિલ આવેલી છે. અહીં લુમ્સ વિભાગમાં અચાનક આગ ફાટી નીકળતા ધુમાડાના ગોટેગોટા જોવા મળ્યા હતા. આગની જાણ થતાં જ મિલમાં હાજર કર્મચારીઓમાં નાસભાગ મચી ગઈ હતી. ઘટનાની જાણ ફાયર વિભાગને કરવામાં આવતા કડોદરા PEPL ફાયર વિભાગ તેમજ બારડોલી ફાયર વિભાગની ટીમો તાત્કાલિક ઘટનાસ્થળે પહોંચી હતી. ફાયર જવાનો દ્વારા આગને કાબૂમાં લેવા માટે પાણીનો મારો ચલાવી આગ બુઝાવવાની કામગીરી શરૂ કરવામાં આવી હતી. આગે વિકરાળ સ્વરૂપ ધારણ ન કરે તે માટે ફાયર વિભાગની ટીમોએ ભારે જહેમત ઉઠાવી હતી. આશરે બે કલાકની મહેનત બાદ આગ પર કાબૂ મેળવવામાં સફળતા મળી હતી. જોકે આગ સંપૂર્ણપણે ફરી ભભૂકી ન ઊઠે તે માટે હાલમાં ફાયર વિભાગ દ્વારા કૂલિંગની કામગીરી હાથ ધરવામાં આવી રહી છે. આગ કયા કારણોસર લાગી અને આગની ઘટનામાં કેટલું નુકસાન થયું છે તે અંગે હાલ ચોક્કસ માહિતી સામે આવી નથી. ફાયર વિભાગ અને સંબંધિત તંત્ર દ્વારા ઘટનાની વધુ તપાસ હાથ ધરવામાં આવી રહી છે.