ડાંગની દીકરીઓએ કરાટેમાં રાજ્ય કક્ષાએ ઝળહળાવ્યું નામ

6 મેડલ સાથે ડાંગ જિલ્લાનું ગૌરવ વધાર્યું આહવા, ડાંગ: આણંદના સ્વામી વિવેકાનંદ સ્પોર્ટ્સ કોમ્પ્લેક્સ ખાતે યોજાયેલી 16મી Nihon Shotokan Karate Championship, Anandમાં ડાંગ જિલ્લાની પાંચ પ્રતિભાશાળી દીકરીઓએ શાનદાર પ્રદર્શન કરી કુલ 6 મેડલ મેળવી ડાંગ જિલ્લાનું નામ રાજ્ય કક્ષાએ રોશન કર્યું છે. આ સ્પર્ધામાં પૂનમબેન મુનાભાઈ કામડીએ Kataમાં બ્રોન્ઝ તથા Kumiteમાં સિલ્વર મેડલ, માહીબેન અશ્વિનભાઈ ધૂમએ Kataમાં બ્રોન્ઝ મેડલ, તેજસ્વીબેન ભેરારામભાઈ મીનાએ Kumiteમાં સિલ્વર મેડલ, દિપશિલાબેન સિત્રુભાઈ ગાવીતએ Kumiteમાં ગોલ્ડ મેડલ અને શ્રુતિબેન અજીતભાઈ બિરારીએ Kumiteમાં સિલ્વર મેડલ મેળવી ઉત્કૃષ્ટ સિદ્ધિ હાંસલ કરી છે. આમ, ડાંગ જિલ્લાની ટીમે કુલ 1 ગોલ્ડ ????, 3 સિલ્વર ???? અને 2 બ્રોન્ઝ ???? સહિત 6 મેડલ પોતાના નામે કર્યા છે. ???? શિક્ષણ સાથે રમતગમતમાં પણ આગવી સિદ્ધિ આ તમામ દીકરીઓ ખેતીવાડી માધ્યમિક શાળા, વઘઈમાં અભ્યાસ કરતી તથા કસ્તુરબા ગાંધી બાલિકા વિદ્યાલય (KGBV), વઘઈ સાથે જોડાયેલી વિદ્યાર્થીનીઓ છે. અભ્યાસની સાથે કરાટેની નિયમિત તાલીમ, શિસ્ત, મહેનત અને સમર્પણ દ્વારા આ દીકરીઓએ રાજ્ય કક્ષાની સ્પર્ધામાં પોતાની પ્રતિભા સાબિત કરી છે. ???? સફળતા પાછળ કોચિંગ ટીમની મહેનત આ ગૌરવપૂર્ણ સફળતા પાછળ સ્પોર્ટ્સ કરાટે એસોસિએશન ડાંગ સાથે સંકલનમાં રહી કામગીરી કરનાર કોચ ભાવિન સર અને હેમાંગબેનનું સતત માર્ગદર્શન, તાલીમ, મહેનત અને પ્રોત્સાહન મહત્વપૂર્ણ રહ્યું છે. તેમની મહેનતના પરિણામે દીકરીઓએ રાજ્ય કક્ષાએ શાનદાર પ્રદર્શન કરી ડાંગ જિલ્લાનું ગૌરવ વધાર્યું છે. ???? ધારાસભ્યશ્રી તથા નાયબ દંડકશ્રી દ્વારા અભિનંદન ડાંગ જિલ્લાની દીકરીઓની આ ગૌરવપૂર્ણ સિદ્ધિ બદલ ડાંગ જિલ્લા ધારાસભ્ય તથા ગુજરાત સરકારના નાયબ દંડક અને સ્પોર્ટ્સ કરાટે એસોસિએશન ડાંગના ચેરમેન માનનીય શ્રી વિજયભાઈ પટેલ દ્વારા તમામ મેડલ વિજેતા ખેલાડીઓ તેમજ કોચિંગ ટીમને હાર્દિક અભિનંદન અને શુભેચ્છાઓ પાઠવવામાં આવી હતી. માનનીય શ્રી વિજયભાઈ પટેલે દીકરીઓને રમતગમત ક્ષેત્રે વધુ મહેનત, શિસ્ત અને સમર્પણ સાથે આગળ વધવા તેમજ જિલ્લા, રાજ્ય અને રાષ્ટ્રીય કક્ષાએ ડાંગ જિલ્લાનું નામ વધુ રોશન કરવા માટે પ્રોત્સાહિત કર્યા હતા. ???? કરાટે-ડો ફેડરેશનના પ્રમુખનું સતત માર્ગદર્શન આ સમગ્ર સફળતા પાછળ કરાટે-ડો ફેડરેશનના પ્રમુખ હાંશી શ્રી કલ્પેશભાઈ ખત્રી સરનું સતત માર્ગદર્શન, પ્રોત્સાહન અને સહયોગ પણ મહત્વપૂર્ણ રહ્યો છે. તેમના સતત માર્ગદર્શન અને પ્રોત્સાહનના પરિણામે ડાંગ જેવા આદિવાસી વિસ્તારમાં કરાટે રમતને વધુ પ્રોત્સાહન મળ્યું છે. તેમના માર્ગદર્શનથી આદિવાસી વિસ્તારના બાળકોમાં કરાટે અને રમતગમત પ્રત્યે નવી જાગૃતિ, ઉત્સાહ અને આત્મવિશ્વાસનો સંચાર થયો છે. બાળકોને રમતગમત ક્ષેત્રે આગળ વધવાની તકો મળી રહી છે અને તેઓ જિલ્લા તથા રાજ્ય કક્ષાની વિવિધ સ્પર્ધાઓમાં પોતાની પ્રતિભા સાબિત કરી રહ્યા છે. ???? એસોસિએશનના હોદ્દેદારો દ્વારા શુભેચ્છાઓ સ્પોર્ટ્સ કરાટે એસોસિએશન ડાંગના જિલ્લા પ્રમુખ શ્રી મિનેશભાઈ ભોયે તેમજ મહામંત્રી શ્રી વિજયભાઈ રાઉતએ તમામ મેડલ વિજેતા ખેલાડીઓ તથા કોચિંગ ટીમને હાર્દિક અભિનંદન પાઠવ્યા હતા. સાથે જ ભવિષ્યમાં રમતગમત ક્ષેત્રે વધુ મોટી સિદ્ધિઓ હાંસલ કરી ડાંગ જિલ્લાનું નામ રાજ્ય, રાષ્ટ્રીય તથા આંતરરાષ્ટ્રીય કક્ષાએ વધુ રોશન કરે તેવી શુભેચ્છાઓ પાઠવી હતી.